في ظل الجدل الذي أثارته تصريحات الفنان اللبناني راغب علامة خلال مهرجان "موازين" هذا الصيف، والتي وصف فيها أغنية "الحلم العربي" بأنها "عمل تجاري"، التقى موقع "فوشيا" بالنجم وليد توفيق، أحد المشاركين في الأغنية، لسؤاله عن رأيه بهذه التصريحات.
وليد توفيق: "الحلم العربي" بدون مقابل مادي
قال توفيق لـ"فوشيا": الحلم العربي ولا في حدا من الفنانين أخذ مقابل مادي، إحنا اللي غنينا كلنا، هاد اللي أنا بعرفه، وإذا في شغلات أنا ما بعرفها، خلي الأستاذ راغب يطلع ويقول مين.
وتابع: أنا ما بدي أحكي على لسان أي حدا إلا الحقيقة، إن كان الدكتور مدحت العدل، أو صلاح الشرنوبي، أو حلمي بكر الله يرحمه، أو المطربين اللي اشتغلوا معانا، نحنا كنا قاعدين بالبيت وما صدقنا نعمل شي اسمه الحلم العربي، فما كان فيه أي شيء من اللي عم ينحكا.
راغب علامة: "الحلم العربي" لم يحمل موقفًا محددًا
كان راغب علامة قال خلال مؤتمر صحفي عُقد ضمن فعاليات "مهرجان موازين إيقاع العالم" في المغرب، إن الأوبريت كان عملاً تجارياً لا يحمل موقفًا محدداً.
وأضاف: "أوبريت الحلم العربي" كان تجاري ومش وراه موقف واضح، ولو حبيت أعمل حاجة مثل هيك بتكون عن الإنسانية، لن أعمل مواضيع عربية أو إسلامية، سأقدّم شي عن الإنسانية بالعرب وما نشهده من جرائم وحروب بنشوفها حاليا.
