أكد الفنان اللبناني وليد توفيق، أنه لا يلتفت إلى الدعوات التي تطالبه باعتزال الغناء، مشددًا على أن قرار التوقف عن الفن سيكون نابعاً فقط من قناعته الشخصية، حين يشعر بعدم قدرته على العطاء الفني.
وليد توفيق يكشف موقفه من مطالبات اعتزاله
في لقاء له عبر برنامج "أرض الواقع" على قناة LBCI اللبنانية، قال توفيق: اللي بيقول إني لازم أعتزل بقوله شكراً.. هو حر، وكل واحد حر يقول اللي عايزه. إحنا في بلد حر، وفي ناس عايزاني أكمل. الطير إذا أوقفته عن الطيران بيموت، وأنا مقدرش أبطل غناء، الغناء في دمي وإحساسي.
وأضاف الفنان اللبناني: في ناس عمرهم 30 سنة ومن جواهم 80، وأنا لسه حاسس إن عمري 30 سنة. لما ييجي الوقت اللي أحس فيه إني مش قادر أدي، هتوقف، لكن مش عشان حد طلب أو انتقد.
وليد توفيق: أرفض ما لا يليق بتاريخي
بيّن وليد توفيق، أنه يرفض تقديم أغنيات لا يشعر أنها تليق بتاريخه الفني، موضحًا: اتعرض عليّ أغاني كتير ورفضتها، لأني مقدرش أقولها، لازم الأغنية تكون ناجحة، وأكون واثق إنها هتنجح. الفنان زي الملاكم، لو حس إنه مش قادر يكمل، مش عيب إنه ينسحب أو يلتفت للأعمال الخيرية.
كما كشف وليد توفيق أيضاً سر احتفاظه بشبابه وحيويته رغم مرور السنوات، قائلاً: الرياضة مهمة جدًّا، وأنا كل يوم بمشي وبعمل شوية تمارين. ومن جوايا إنسان طيب وصافي، معرفش الحقد. كل ما الواحد بيكبر، بيعرف إن في حاجات ما تستاهلش الزعل، زي الانتقادات. أنا ليه أنام زعلان؟
