عبّرت الفنانة السورية ليندا بيطار عن سعادتها بزواجها من المايسترو عدنان فتح الله، مؤكدة أن هذا الارتباط كان ثمرة حب حقيقي غلب العادات والتقاليد.
ليندا بيتار لـ"فوشيا": الأغلبية كانت داعمة لزواجي من عدنان فتح الله
في حديث خاص لـ "فوشيا"، باركنا للفنانة ليندا بيطار زواجها لتؤكد بدورها أن هذا الحب انتصر على كل شيء، وقالت: أكيد أول شيء بارك فيك يارب، وأكيد هو يعني في شيء بيغلب كل العادات والتقاليد، وقت يكون شيء حقيقي وشيء صح وأنت شايفه صح، فأكيد ما في شيء بيوقف بوجه القصة.
وعن تأخرها في الإعلان عن هذا الزواج، أوضحت ليندا: هلأ أنا كمان ما كتير يعني حكيت، هي مرت بمقابلة من المقابلات، والكل أخذها. بتعرف أحياناً أنه يمكن الواحد ما يحكي بهالقصص أحسن، يعني خلص كل العالم تعرف أنه إحنا تزوجنا، فخلص هذا الشيء بيكفي يعني.
أما عن ردود الفعل التي تلقتها بعد الإعلان، فأكدت أن الغالبية كانت داعمة، مضيفة: كتير كان فيه دعم، يعني أغلب عائلتي كانت معي، أمي وأخواتي أول شيء.
وعن علاقتها بالكنيسة والغناء الكنسي، ومدى تأثرها بزواجها، نفت ليندا وجود أي تعارض، مؤكدة: أكيد لا، حتى يعني أنا بالعيد الماضي عملت ريستال بحلب، وإن شاء الله موجودة دائما. أنا بحترمه هو، وهو بيحترم هذا الشيء، وبالعكس ممكن تشوفونا عاملين شيء في عيد الميلاد، شيء موزع من توزيعه.
وحول العلاقة بين الشريكين حين يكونان من الوسط الفني نفسه، أوضحت أن وجود عدنان إلى جانبها يشكل دعماً كبيراً، قائلة: أكيد بيدعمني، بيخليني هيك فكر بالقصص بغير طريقة، يعني بالأخير هو صار بيمثلني وأنا بمثله، يعني وقت نكون سوا على المسرح، فهذا الشيء بيخلينا هيك ممكن ندعم بعض، يعني فهو داعم، والشيء اللي بيجمعنا على الصعيد الفني أكيد كتير خلانا أسهل نجتمع على الصعيد الشخصي.
وفيما يتعلق بالمشاريع الفنية القادمة، كشفت عن تحضير عمل جديد يجمعها بعدنان فتح الله، وقالت: في شيء لابن الفارض، إحنا عملنا (أخفي الهوى)، هلأ في شيء تاني كمان، قصيدة تانية كمان كتير حلوة من ألحانه وتوزيعه.
أما عن الأغاني التي تهديها لعدنان خلال الحفلات، فأجابت بعفوية: كل البرنامج بغني له، اللي سمعتوه بالحفلة.
وختمت حديثها بالإشارة إلى مدى أهمية رأي عدنان في أدائها، حتى خلال الحفلات، حيث قالت: عم بتطلع فيه، لأخد رأيه أنه هيك أوكي ولا لا.
