ضمن المؤتمر الصحفي الذي سبق حفلها على المسرح الجنوبي مساء السبت في مهرجان جرش للثقافة والفنون 2025، أطلقت النجمة السورية أصالة نصري مجموعة تصريحات عفوية وصريحة عبّرت فيها عن موقفها من العمر وتقدّم السنوات، مؤكدةً أنها لا تحب الحديث عن عمرها ولا تحتفل بيوم ميلادها.
"بكره العمر والموت"
قالت أصالة بصراحتها المعهودة: بكره العمر وبكره الموت، حتى اللي بيحبوني بيزعجوني بعيد ميلادي، بيجوا يقولولي: تخيلي أصالة صار عمرها كذا وأنا عمري 20!، بنزعج من التذكير بالعمر لأنه بيخليني أتذكر أشياء بحاول أنساها.
"ما بعرف قدي عمري.. وهاد الشي متعمد"
كشفت أصالة أنها تتجاهل تمامًا رقم عمرها الحقيقي، بل وتتجنب معرفته حتى في المواقف الرسمية: مرات حدا بيسألني عن عمري، بقول والله ما بعرف، مثلاً عند الدكتور، بقلو لجوزي: إنت قول وأنا رح سكر أداني حتى ما أسمع، والله عن جد ما بعرف قدي.
وأكدت أن هذا القرار نابع من قناعة شخصية: 90% من حياتي ما بعرف قدي، وبتعامل مع نفسي برياضة، بفني، بحياتي بشكل عام، على أساس إني ما بعرف.
"أسعى لأعيش شابة... وبتعاون مع الطب كمان"
رغم صراحتها، لم تنكر أصالة أنها تبذل جهدًا للحفاظ على شبابها، وقالت: ما رح قول عمري 17، بس بعتقد الإنسان فيو يعيش مع نفسه شباب، وأنا بعمل هيك بمساعدة الطب، أبر، عمليات، رياضة، كلشي ممكن يساعدني حافظ على شبابي.
واعتبرت أن السؤال عن العمر لا يحمل أي فائدة حقيقية: هاد سؤال بشوفه سخيف، مين بيستفيد إذا عرف قدي عمري؟.
واختتمت حديثها برسالة إيجابية موجهة لجمهورها والإعلاميين قائلة: إن شاء الله يجعل عمري وعمركم طويل، وبدي أعيش شابة بصحة وشباب وقوة على قد ما بقدر.. وأنا بقدر.
