عاد السيناريست محمد صلاح العزب ليعتذر للشاعر الغنائي أيمن بهجت قمر، بعد سلسلة من التصريحات الهجومية المتبادلة على خلفية انتقاد العزب لكلمات ألبوم عمرو دياب الجديد "ابتدينا"؛ ما أشعل أزمة علنية بين الطرفين عبر وسائل التواصل الاجتماعي.
اعتذار العزب لـ أيمن بهجت قمر: حقك عليا.. متزعلش
والنبي يا جماعة محدش يركز معايا أنا لما بكتب حاجة هنا بكتبها لنفسي ولل١٠ - ١٥ واحد اللي بنقعد نهزر مع بعض كل يوم في...
Posted by Mohamed Salah Al Azab on Monday, July 7, 2025
في منشور مطوّل عبر صفحته الشخصية على "فيسبوك"، حرص محمد صلاح العزب على توضيح موقفه وتقديم اعتذار مباشر لأيمن بهجت قمر، مرفقًا صورة تجمع الأخير مع النجم عمرو دياب، وكتب معلقًا: والنبي يا جماعة محدش يركز معايا... أنا لما بكتب حاجة هنا بكتبها لنفسي وللـ10 - 15 واحد اللي بنهزر سوا في الكومنتات... مش عايز أتشهر ولا أبقى تريند، أنا بحب الضلمة والعتمة وبروح السوبر ماركت بشبشب بصباع وشعري منكوش.
واستطرد قائلًا: خناقة أيمن بهجت قمر دي على عيني والله، أنا اتجريت ليها، والراجل ده تاريخ حقيقي في كتابة الأغنية في آخر 20 سنة... حقك عليا يا عم أيمن، متزعلش، إحنا إخوات.
كما وجّه العزب اعتذارًا لجمهور عمرو دياب، وللموزع الموسيقي عادل حقي، مؤكدًا احترامه للموسيقى التي قدّمها الأخير، قائلًا: بسمع أم كلثوم ووردة وفيروز ومروان بابلو... وبسمعك يا أستاذ عادل.
واختتم منشوره برسالة إيجابية: ربنا يحفظ مصر والمصريين والفن المصري... وتبقى دايمًا دي نوعية مشاكلنا وخناقاتنا.
بداية الأزمة: انتقاد لاذع من العزب لأغاني الألبوم
سيبك من الألحان والتوزيع والموسيقى والطبل والزمر والهيصة وعمرو دياب والتريند وفرحة الصيف وأنا مهما كبرت صغير.. وادخل على...
Posted by Mohamed Salah Al Azab on Friday, July 4, 2025
انطلقت شرارة الأزمة عندما كتب محمد صلاح العزب منشورًا ينتقد فيه كلمات بعض أغاني ألبوم "ابتدينا"، قائلًا: سيبك من الألحان والتوزيع والموسيقى والطبل والزمر والهيصة... وادخل على اليوتيوب واقرأ كلمات الأغاني راجل لراجل من غير دوشة... المفروض إن اللي مكتوب ده هو خلاصة آلاف السنين من الشعر العربي والغنائي!.
وواصل العزب هجومه: مش مفروض يكون فيه جملة تعلم؟ إحساس حلو حتى لو مزيف؟ لحظة مراوغة؟ زلة لسان عبقرية؟ يا عم أي حاجة من ريحة الحبايب... مش كده!.
رد أيمن بهجت قمر: راجع شغلك قبل ما تنظّر
لم يتأخر رد الشاعر أيمن بهجت قمر، الذي ردّ عبر تعليق، قائلًا: إحنا كمان بنشوف مسلسلات مملة وبتتذاع وبتتنسى، وبنسكت وبنحترم زمايلنا... فأقترح تراجع شغلك قبل ما تنظّر على ناس بتتعب وبتقدم أعمال محترمة.
تصعيد من العزب
عاد صلاح العزب مهاجما أيمن بهجت قمر وكتب منشورًا تفصيليًا قال فيه: أنا كتبت رأيي على صفحتي الخاصة، اللي بدفع فيها النت من جيبي... وقلت إن مش عاجبني بعض كلمات أغاني الألبوم... ما جبتش سيرة حد بالاسم.
وتابع مهاجمًا: المفارقة إن الأستاذ أيمن هو كاتب كلمات التترات بتاعة مسلسلاتي اللي مش عاجباه دلوقتي... بس طبعًا ده ما يمنعش المشاركة لما يكون فيه شيك!.
وأكمل العزب تهكمه قائلًا: أنا شغلي كله وحش... متزعلش نفسك. ومسحتك من عندي على فيسبوك من سنة ونص، عشان نفس السبب: أي انتقاد يزعلك ويدخلك في خناقة.
كما وجه له نقدًا مباشرًا في ختام منشوره: بالمناسبة، في حاجة في 2025 اسمها: (رماني ف شبكه وعيوني ارتبكوا)؟ يا راجل! اشتغل أقل بجودة أكبر... مش مسابقة على لقب شيخ النحاتين.
