تعرضت الفاشينيستا الأردنية زين كرزون للعديد من الانتقادات الحادة بين المتابعين عبر مواقع التواصل الاجتماعي بعدما نشرت مقطع فيديو هاجمت فيه ما وصفتهم بـ"المتباكين" على القضية الفلسطينية، الذين يقومون بنشر صور وفيديوهات القصف والجرحى والشهداء.
وقالت كرزون: "لما ماتت ستي ما بكيت على السوشال ميديا ولا طلعت اعمل شو عشان اللايكات، فلسطين زهقت قد ما حكينا عنها مو ضروري نعمل شو اوف ونبين انه نحنا دراما عشان نجمع مشاهدات".
وأضافت: "فلسطين ما بدها مؤثرين يطلعوا يأثروا عليكم عشان تحبوها المؤثر بأثر بقصة صارت معه المؤثر هو الفلسطيني الي بعاني كل يوم".
وتابعت: "ليه بس لازم نعمل شوشرة على السوشال ميديا قضية فلسطين قديمة مو نمنا صحينا لقينا في شي صاير".
وأوضحت شقيقة الفنانة الأردنية ديانا كرزون: "انا ليه انزل مليون ستوري وبوست واطلع ابكي متل كتير عالم هاد تمثيل اسمه، بعدين احنا شو عاملينلكم لحتى تفوتوا تسبونا كمؤثرين وتحكوا يلعن ابوكم وكلاب الله اكبر هو نحنا اذيناكم ونزلنا عليكم الصواريخ ودمرنا البيوت".
وتم تداول مقاطع فيديو زين كرزون على العديد من الصفحات عبر السوشال ميديا، لكن أغلب المتابعين لم يرق لهم ما قالته الفاشينيستا، فهاجموها واتهموها بـ"السطحية" والاساءة للقضية الفلسطينية وعدم فهم ما يحدث.
وقال أحدهم إن زين تحاول لفت الانتباه، فيما علق آخرون إن توقيتها غير مناسب خاصة مع الصور التي تعرض أشلاء الأطفال والقصف والدمار.
وذهب البعض مطالبًا زين كرزون بالاعتذار، كما اختار متابعون حذف متابعتها عبر صفحاتها على السوشال ميديا، وكتب معلق: " احلى إلغاء متابعة"، وأضافت أخرى:" يا ريتك بتعرفي تحكي كلمتين ولا فاهمه التاريخ صح".
وقال متابع :" كلامك كتير بس ما فهمنا شو بدك بالاخر ؟؟ قضيتيها مؤثر و ابصر شو بتكوني مفكرة حالك جد مؤثرة بعدين شو دخلك بفلسطين يختي خليك بالفيلر في جهة بوجهك حاسس انها معبئة اكتر من التانية ديري بالك ليفقع".
كما جاء في التعليقات:" "أي فعلاً مو شيء جديد بس يا حضرة المؤثرة اليوم عصر السوشال ميديا هذا الفرق الفلسطينيين يقدرون ينشرون الظلم الي يتعرضون له والمؤثرين الي عليهم يوصلون صوتهم لكل العالم إذا ستوري وبوست يعذبج انتِ واصلة مرحلة بالتعاجز".
وأضاف آخر: "عندك متابعين بتقدري توصلي الصورة الحقيقية للي بصير بفلسطين إلى اسر.. بتحاول تغير هاد المفهوم عند للعرب وتبين انها الكيان المحترم الانساني بتنزيلك للصور الي بتتمسخري عليها حضرتك بتبيني للمتابعين الوجه الحقيقي.. بتعمل المستحيل لتخفي مين حضرتك تتمسخري عليه الناس الي بتنزل وزعلانه وبتبكي على فلسطين ولا نسيتي حالك وانتي بتعيطي عشان نكسر اضفرك التركيب".
وأوضح متابع: "خلص يختي اسكتي شفنا انو فستانك واضافرك حلوين وصلت فكرتك ، ناقصنا بعد ناس تقعد تتفلسف".
وكتب أحدهم: "يا لله كل مرة بسمعك بتفاجىء بذكائك الخارق... مو مستنين منك "تأثري" علينا.. لأنك واحد انتِ مو "مؤثرة" ولا عمرك رح تصيري.. فلسطين وحبها بقلبنا من دون "تأثيرك"، و"بدي افهمك لإنك مش فاهمة احنا منستخدم منصات التواصل الاجتماعي لنوصل كلمة الحق لكل العالم لإنه إعلام الاحتلال عم بضلل الحقيقة .. بدنا ننشر شو بصير بأكتر من لغة وهاشتاجات ترند ... وانتِ عندك قريب 2 مليون متابع بتقدري تساهمي بالنشر بس ما بدك لأنه ضمير ما في.. كنتي بتقدري على الاقل تحترمي متابعينك من فلسطين ومصيبتهم وشهاداءهم وما تنشري تيكتوك ومشاويرك وفيديوهات بتضحك .. بس حتى هاد الشي ما عملتيه كنتي قاصدة تكوني مستفزة".
