أعلنت الإعلامية اللبنانية ديما صادق وفاة والدتها مساء الثلاثاء من خلال نشر صورة تجمعهما عبر صفحاتها الخاصة على "تويتر" وعلقت عليها بالقول:"يا روح روحي...روحي راحت معك اليوم".
وأكدت العديد من المصادر أن والدة الإعلامية ديما صادق، قد تعرّضت منذ فترة لجلطة دماغية أُدخلت على إثرها إلى العناية المركّزة، حتى فارقت الحياة.
وانهالت رسائل التعازي على ديما الصادق، وكانت من أبرز المعزّيات الإعلامية المصرية وفاء كيلاني التي علقت على الخبر قائلة:"حبيبتي ديما شدي حيلك ربنا يصبرك ويرحمها ويغفر لها ويسكنها الفردوس الأعلى امين. البقاء لله".
في حين قالت الإعلامية اللبنانية منى أبو حمزة:"العوض بسلامتك ديما، ألله يرحمها ويخليكم ويعطيكي الصبر".
كما حرص الممثل يوسف الخال على تقديم التعازي لديما من خلال تعليق جاء فيه: "البقية بحياتك ديما.. الله يرحمها ويخلّيلك عيلتك".
تجدر الإشارة إلى أن الإعلامية ديما صادق كانت قد نشرت منذ حوالي شهرين عند تعرض والدتها لجلطة صورة مؤثرة تجمعها بها، وظهرت وهي تقبّل يدها كدليل على الاحترام الذي تكنه لوالدتها.
وأرفقت الصورة بمنشور كانت قد كتبته: "كل يوم تهديدات كل يوم مسبات كل يوم شماتة ولا شي أثر فيي بس وصلو لإمي. أسبوعين ما هدي تلفونها ولا هديوا أعصابها. بنتك هيك وهيك وهيك يقولولها. انت هيك وهيك وهيك يقولولها وهي حجة ثمانينية.
وأضافت:"مبسوطة يا بنتي عم يقولو هيك لامك. يا ديما انا ما بدي اتبهدل بآخر عمري تقللي. قلها يا ماما ليه ما قادرة تشوفي انه هني بلا أخلاق ليه عم تلوميني الي؟ تقللي لا انت عمايلك ما معقولة. انت عم تطلعي مننا. تترجاني وقف وانا ما وقف. ولا التلفونات وقفوا. بعتولها حتى صورة فوتوشوب مسيئة مش لألي، يا ريت لإلي، لإلها. يومها قضت النهار عم تبكي . وانا قضيت الليل عم احلم انه صرلها شي من ورايي ومن ورا كل التلفونات اللي عم بوصلولها. اليوم فقت على خبر انه امي بالعناية. امي عملت جلطة بالدماغ. متل ما كنت عم احلم كل ليلة. مين عمل فيها هيك؟ انا أو هني؟ ما بعرف. او يمكن تنايناتنا. يا امي إذا انا عملت هيك ببوس كعب اجريكي سامحيني والله كنت مفكرة اني عم اعمل الصح، والله كنت مفكرة عم اعمل الخير. واذا هني اللي وجعولك راسك يا عمري انت لك بأمرهن، اللي بدهن ياه، لك السيد حسن على راسي من فوق، لك يطلع باسيل رئيس وانا اول وحدة بزقفلو، لك عمره ما يكون شي، لامبادئ ولا ايمان ولا قضية ولاشي.. بس ببوس ايديكي قومي ورجعيلي بالسلامة".
من جهة ثانية، بدأت الاعلامية أمس الإثنين تقديم أولى حلقات برنامجها السياسي "حكي صادق"، الذي يعرض على قناة الأم تي في.