شاركت الإعلامية أسما شريف منير متابعيها عبر "إنستغرام" مجموعة من الصور العائلية التي جمعتها بزوجها الحالي أحمد عزمي، وطليقها محمود السكري، وابنتها لارا، احتفالًا بأول يوم دراسي للعام الجديد.
أسما شريف منير تحافظ على عادة سنوية مع ابنتها
كشفت أسما شريف منير أن الصورة التي جمعتها بابنتها وطليقها في أول يوم دراسي أصبحت واحدة من العادات التي تحرص عليها الأسرة منذ 13 عامًا، موضحة أن الصورة تتغير من عام إلى آخر مع نمو لارا وتغير شخصيتها واهتماماتها.
وقالت أسما: للصورة اللي بقت من أحلى السنة الـ13 عاداتنا، صورة واحدة كل سنة، بس عمرها ما بتبقى نفس الصورة.
وأضافت: إحنا بنتغير، ولارا بتكبر قدام عينينا، وكل سنة بنكتشف فيها نسخة جديدة منها، اهتمامات جديدة، شخصية بتتكون، وتفاصيل بنحب نشوفها وهي بتتغير سنة ورا سنة.
وتابعت متمنية لابنتها دوام الصحة والسعادة: ربنا يحفظك ويبارك لنا فيها وفي عمرها، ونفضل ناخد الصورة دي لحد الجامعة كمان يا رب.
رسالة أسما شريف منير للمنفصلين: الطلاق مش لازم يتحول لمعركة
استغلت أسما شريف منير هذه المناسبة لتوجيه رسالة إلى كل أب وأم مروا بتجربة الانفصال أو الطلاق، مؤكدة أن انتهاء العلاقة بين الزوجين لا يعني بالضرورة انتهاء الاحترام أو تحول الأمر إلى صراع، مشددة على ضرورة وضع الأبناء في مقدمة الأولويات.
وقالت: بس السنة دي أحب أفكر أي حد بيعدي بانفصال أو طلاق، إن الانفصال أو الطلاق مش لازم يتحول لمعركة، ومش لازم ولادنا يدفعوا تمن إن علاقة بين اتنين كبار ما كملتش.
وأضافت: ممكن العلاقة تنتهي، لكن الاحترام ما ينتهيش.
أسما: كل طرف له مكانه في حياة الطفل
أوضحت أسما شريف منير أن انفصال الوالدين لا يمنع أيًا منهما من بدء حياة جديدة، مؤكدة أن الطفل لا ينبغي أن يشعر بأنه مطالب باختيار أحد الطرفين على حساب الآخر.
وقالت: ممكن كل واحد يكمل حياته، يحب ويتجوز ويبدأ من جديد، من غير ما الطفل يحس إنه لازم يختار طرف، أو يحس بالذنب عشان بيحب كل الناس اللي في حياته.
وأعربت عن امتنانها لوجود أشخاص محيطين بابنتها لارا ويحرصون على إسعادها، قائلة: أنا الحمد لله ممتنة جدا إن لارا حواليها ناس بيحبوها بجد.
وأضافت: أبوها عايز يشوفها مرتاحة وناجحة وسعيدة، وأحمد بيحبها بجد وعايز يشوفها مرتاحة وناجحة وسعيدة.
وأكدت أن أهم ما يشغلها هو أن تنشأ ابنتها وهي مدركة أن حب الأشخاص الموجودين في حياتها ليس منافسة، وأن وجود شخص جديد لا يعني إزاحة شخص آخر.
وقالت: أنا في الآخر كل اللي يهمني إن بنتي تكبر وهي عارفة إن حب الناس ليها مش منافسة، وإن مفيش حد محتاج ياخد مكان حد.
"حطوا ولادكم قبلكم".. رسالة أسما للآباء والأمهات
استكملت أسما شريف منير رسالتها بالتأكيد على أن لكل شخص مكانه ودوره في حياة الأبناء، وأن الأهم هو ألا يتحول الطفل إلى طرف في الخلافات بين الكبار.
وقالت: كل واحد له مكانه، وكل واحد له دوره، والأهم إن هي تبقى في النص محاطة بالحب، مش محطوطة في النص بين خلافات الكبار.
وأضافت: يمكن دي أهم حاجة أحب أفكر بيها أي أب وأم انفصلوا، حطوا ولادكم قبلكم. احترموا بعض عشانهم، وسيبوهم يحبوا كل الأطراف من غير خوف ولا إحساس بالذنب.
واختتمت أسما شريف منير رسالتها بالتأكيد على أهمية الحفاظ على شعور الأبناء بالأمان بعد انتهاء العلاقة بين الوالدين، قائلة: في الآخر، يمكن أنجح حاجة ممكن نعملها بعد ما علاقة تنتهي، إننا منخليش معاها إحساس الأمان عند ولادنا ينتهي.
واختتمت حديثها بقولها: الحمد لله... الحمد لله على لارا، وعلى كل سنة جديدة بناخد فيها الصورة دي، وعلى إننا لسه بنشوفها بتكبر قدام عينينا وإحنا كلنا بنحبها.
زيجات أسما شريف منير
يذكر أن أسما شريف منير تزوجت للمرة الأولى من رجل الأعمال محمود السكري عام 2010، وأنجبت منه ابنتها الوحيدة لارا، قبل أن ينتهي الزواج بالانفصال.
وفي سبتمبر/أيلول 2018، تزوجت أسما شريف منير من الفنان محمود حجازي، قبل أن ينفصلا في أبريل/نيسان 2021.
ثم تزوجت في مارس/آذار 2025 من شخص من خارج الوسط الفني يدعى أحمد عزمي.
