ريهام سعيد: ريم البارودي ماتت بالنسبة لي.. وأتنازل على القضية المرفوعة ضدها

برامج

ريهام سعيد: ريم البارودي ماتت بالنسبة لي.. وأتنازل على القضية المرفوعة ضدها

تنازلت الإعلامية المصرية ريهام سعيد، عن البلاغ المقدم منها ضد الفنانة ريم البارودي، وذلك بعد توسط المخرجة إيناس الدغيدي، في برنامج "شيخ الحارة والجريئة"، الذي يُعرض على شاشة "القاهرة والناس". وقالت سعيد، إنها ستتنازل عن البلاغ، وعلقت: "مش عشان هي مغلطتش أو مش عشان متستحقش ده، إنتو متعرفوش كم الوجع اللي هي تسببت فيه بالكام كلمة اللي قالتهم، والفضائح اللي تعرضوا لها أبنائي بعد الكلمتين دول، بس أنا مش هسيبها تتسجن". وأوضحت أنها لن تترك ريم الباردوي تُحبس، قائلة: "مش هتستحمل ولا دقيقة من الدقائق اللي أنا مريت بيها، بس الموضوع مش في إيدي بس، فيه حق لأولادي ولجوزي مش

تنازلت الإعلامية المصرية ريهام سعيد، عن البلاغ المقدم منها ضد الفنانة ريم البارودي، وذلك بعد توسط المخرجة إيناس الدغيدي، في برنامج "شيخ الحارة والجريئة"، الذي يُعرض على شاشة "القاهرة والناس".

وقالت سعيد، إنها ستتنازل عن البلاغ، وعلقت: "مش عشان هي مغلطتش أو مش عشان متستحقش ده، إنتو متعرفوش كم الوجع اللي هي تسببت فيه بالكام كلمة اللي قالتهم، والفضائح اللي تعرضوا لها أبنائي بعد الكلمتين دول، بس أنا مش هسيبها تتسجن".

وأوضحت أنها لن تترك ريم الباردوي تُحبس، قائلة: "مش هتستحمل ولا دقيقة من الدقائق اللي أنا مريت بيها، بس الموضوع مش في إيدي بس، فيه حق لأولادي ولجوزي مش عارفة هيتنازلوا عليه ولا لأ، أنا ميهونش عليا أسجنها، بس الموضوع مش خاص بيا لوحدي"، مشيرة إلى أنها لا تحب قط، أن تُسبب أذى لأحد.

كما علقت خلال الحلقة: "أنا طلعت من شهرين لايف وقولت عاوزة أتنازل عشان مش عاوزة أي حد يزعل مني، لاقيت ريم بعتت لصحفية فويس بتقولها دي بتعمل كدة عشان تاخد اللقطة وتبان إنها طيبة، طبعًا أنا استفزيت وكملت في القضية".

وبينت الإعلامية المصرية، أنها تأذت كثيرًا جدًا من الإهانات التي تعرضت لها بسبب ريم البارودي، والهاشتاغات، وقالت: "أنا والله وحياة أولادي ما عاوزة غير إن الناس تسيبني في حالي، بس لو إتنازلت عن القضية على الهواء هيقولوا علينا متفقين قبل الحلقة وممكن ولادي يزعلوا مني، أنا مش صعبة، أنا ممكن أتنازل عادي بس مش مسامحة، على مستوى القانون الدنيوي معنديش مانع أتنازل، بس ربنا ياخدلي حقي".

فيما قامت إيناس الدغيدي، بمطالبتها بإعلان التنازل بشكل رسمي، وأعلنت أنها ستقوم بالتنازل عن البلاغ المقدم ضد البارودي.

وواصلت حديثها، أن الفنانة ريم البارودي شخصية "جدعة جدا"، لكنها لم تكن صديقتها، وتُعتبر معرفة من الوسط الفني فقط، متابعة: "معرفش عنها حاجة.. معرفش دارسة ايه أو بيتها فين؟، ولسنا اصدقاء كما يتداول البعض".

وأضافت ريهام سعيد، أن ريم البارودي كانت تشيد كثيرًا بحلقات برنامجها وأعمالها، خاصة وأنها لم تمتلك صديقة لها في الوسط الفني، متابعة: "ريم البارودي ماتت بالنسبة لي إلا الإهانة".

كما أشارت الإعلامية ريهام سعيد، إلى أنها حاولت إنهاء فترة الخصام مع الفنانة زينة، من خلال نشر فيديوهات اعتذار لها، إلا أن الفنانة زينة لم تتقبل ذلك.

وكشفت ريهام سعيد، عن أنها خلال قضيتها الأخيرة، تعرضت لبيع ممتلكاتها من سيارات وشقق لكي تستمر في القضية، حيث إنها لم تكن تمتلك أموالًا خلال هذه الفترة.


 

قد يعجبك ايضاً

قد يعجبك ايضاً