تصاعدت حدة الخلاف بين الفنان المصري رامي صبري ومغني الراب الشاب ويجز، بعدما دخلت أطراف جديدة على خط الأزمة التي اندلعت بينهما قبل يومين.
وهذه ليست المرة الأولى التي يشتعل فيها خلاف بين الطرفين، إذ غضب ويجز سابقا من تصريحات لمواطنه صبري قبل أشهر، عندما ظهر في لقاء تلفزيوني وقال إنه لا يفهم كلمات أغاني ويجز ولا يعرف ما المقصود منها.
تفاصيل أزمة رامي صبري وويجز
بدأت الأزمة بين الفنانين المصريين، ويجز ورامي صبري بعدما حل الأخير ضيفا على برنامج "حبر سري" وتحدث عن عدم فهمه لكلمات أغاني الرابر الشاب.
وردا على سؤال بشأن إمكانية تقديمه "دويتو" مع أحد مغني الراب، قال صبري إنه يختار ويجز لتذكره المذيعة بالخلاف الشهير بينهما وهجومه المتكرر عليه، ليرد أنه ما زال عند رأيه، ولا يفهم الكلمات التي يغنيها، لكنه يرى أنه ناجح فنيا بسبب اجتهاده وذكائه بشكل كبير.
وتابع: ويجز زعلان مني ومش عارف ليه؟ أنا قلت إني مش بفهم كلامه ودي حقيقة، بس قلت عليه إنه بيعمل مزيكا حلوة ومجتهد.
في الوقت ذاته، كشف صبري أنه لا يمانع تقديم تعاون مشترك مع مغنين آخرين مثل مراون بابلو، إذ اعتبر أن اللون الغنائي للراب هو الأقرب له من موسيقى المهرجانات.
حديث صبري لم يمر مرور الكرام، إذ خرج ويجز بعد ساعات في مقطع مصور عبر خاصية "ستوري" منصة "إنستغرام، مهاجما مواطنه بشدة ومتهما إياه بعدم فهم موسيقى الراب.
وقال ويجز، في الفيديو: هتكلم على فنان فاكر أنه عنده صلاحية يطلع يتكلم في أي وقت على أي حد والناس تسمع وتسكت، الفنان دا اسمه رامي، رامي دا بقى كل لما يقعد 5 شهور يزهق يطلع يتكلم في التليفزيون على بتوع الراب والهيب هوب وكده، طيب أنت بتتكلم امتى عن بتوت البوب اللي أنت منهم، على فنك ومجالك وكده.
وتابع: أنا شايف إنك مبتفهمش في الراب دا حاجة، ولا بتفهم الكلام بتاعه زي ما أنت قلت قبل كده، فمش هتعرف تعمله. أنا راجل مثلا لو لقيت واحد بيعرف يسوق عجلة وأنا مبعرفش بحترمه عشان هو عمل حاجة غير اللي أنا عملتها، اشتغل على نفسه في حاجة أنا مشتغلتش على نفسي فيها، فأنت مبتقدرش الفنانين دول شايفهم بيحاولوا يوصلوا للي أنت فيه، في حين أنهم معدينك أنت مش رقم 2 يا رامي أنت رقم 19 مثلا، أنت بعيد أوي.
واختتم ويجز كلامه: جماعة استنوا أغنيتي الجديدة إن شاء الله يوم 27 أغنية، مش هقولكم هي عبارة عن إيه أستاذ رامي بقى ممكن يقولنا ويشرحلنا الأغنية عبارة عن إيه لو فهم.
ماذا قالت زوجة رامي صبري عن ويجز؟
لم تتوان شيرين عادل، زوجة رامي صبري، في الدفاع عن زوجها والرد على تصريحات ويجز، بعدما قلَّل الأخير من تاريخ زوجها الفني، ووضعه في خانة لا تليق بنجم في مكانته.
وقالت شيرين، في منشور مطول عبر حسابها الرسمي على "إنستغرام" مرفقا بمقطع فيديو لزوجها من البرنامج: ده جزء من الحلقة اللي رامي أتكلم فيها عن الراب، ومن هنا ورايح مش هسكت وهرد على أي حد يفكر يتكلم عنه تاني بأي طريقة مش عجباني.
وشرحت: أولاً رامي اتسأل سؤال في برنامج ورد وعنده كل الصلاحية لأي رد أو إجابة على أي سؤال، يعني مفيش أي مانع يخلي رامي لما يتسأل سؤال ميجوابش.
وتابعت: ثانيا رامي صبري فنان من أهم الفنانين في الوطن العربي، ومن أهم الأصوات، وموضوع رامي رقم كام ده هو الحقيقة مش شاغل بال رامي أوي بس لو حضرتك شايف أن رامي رقم 19 مع الأسف الشديد لازم أقول لحضرتك تبقى أنت مش موجود على الخريطة من الأساس.
وأكملت: أغنية واحدة من رامي صبري واحدة بس تعمل تاريخ لناس، محتاج تذاكر كويس، وتعرف أنت بتتكلم عن مين قبل ما تتكلم، لأنك واضح أنك عندك شغل تاني غير المزيكا لأنك لو جوا الشغلانة كنت مش هتقول ولا كلمة من الكلام ده علشان الناس متضحكش عليك لأنك اتكلمت عن فنان بجد مش جاي يهزر.
واختتمت شيرين منشورها قائلة: أخيراً لما تحب تعمل دعاية لأغنيتك الجديدة ابعد عن اسم رامي صبري أنا عارفة أن اسمه ممكن يخلي الأغنية ترند، بس حاول الأغنية بتاعتك الجديدة تعتمد فيها علّى نفسك.
مشاهير يهاجمون ويجز بسبب رامي صبري
وبعد ساعات من اندلاع التلاسن المتبادل بين الطرفين، دخلت أطراف جديدة على خط الأزمة، وتنوعت بين فنانين وإعلاميين، بعضهم لام على صبري وويجز ما آلت إليه الأمور بينهما وبعضهم حاول تهدئة الوضع.
ودعا الفنان المصري رامي جمال، عبر "ستوري" منصة "إنستغرام"، الطرفين إلى الابتعاد عن المقارنات في مجال الفن، مؤكدًا أهمية التركيز على النجاح الشخصي دون النظر إلى الآخرين.
وقال: أحب أكون رامي جمال، وأحب أكون علامة بعد ما أقرر أبطل، ومحدش بياخد رزق حد، وأتمنى أعيش في سلام، مطالبا بتخفيف الضغوط اليومية.
بينما هاجمت الإعلامية إنجي أنور، خلال تقديمها برنامج "مصر جديدة" عبر قناة ETC، الرابر ويجز لحديثه عن رامي صبري بطريقة أثارت الجدل.
وقالت إنجي إن حديث رامي صبري عن ويجز في برنامج "حبر سري" لم يحمل أي إساءة تستدعي رده، مضيفة: أزمة دون أي لازمة، ده اللي أقدر أقوله على خلاف رامي صبري وويجز.
وأضافت: الراجل اتكلم حلو جدا عنك، وفي نص الكلام قال إنه مش بيفهم كلمات ويجز، هو ما أجرمش وأنا أضم صوتي لصوت رامي صبري، أنا مش بفهم كلمات ويجز، لكن هو تجربة تستحق نتوقف عندها، وراجل ناجح وله جمهوره.
وتابعت: فيديو ويجز ملهوش أي تلاتين لازمة، والفيديو ده مش لصالحك، وإن نم على شيء، فينم على إنك مغرور وتنك جدا، لا هو كان ناجح ونجم من قبلك واحترم نجاح اللي سبقوك.
واختتمت إنجي: الحقيقة طريقة ويجز غير مقبولة، مش علشان نجحت شوية، ولبست طقم فلانتينو بقيت فوق النقد ومحدش يقرب منك، ده عبد الحليم حافظ ومحمد الوهاب وفريد الأطرش انتقدوهم.
بينما وجهت الإعلامية مفيدة شيحة، خلال تقديم برنامجها "الستات" على قناة "النهار"، اللوم والعتاب إلى الطرفين، رامي صبري وويجز، وأيضا وزوجة رامي صبري.
وقالت شيحة إنه بعد الخلاف الكبير مع زوجها رامي صبري، هل من حق شيرين عادل الرد على ويجز؟، متابعة: خناقة شهيرة بين رامي صبري وويجز ومكنش المفروض تحصل ومش عارفة من اللي غلط؟.
وأضافت أن رامي صبري انتقد فكرة الراب وجاب سيرة ويجز، وحقك تقول رأيك ومكنش ممكن تقول هذا النقد على التليفزيون، ومكنش ينفع يطلع يرد ويجز بالطريقة دي وكان ممكن يتعامل مع الموضوع بشكل مختلف ولم يصح تدخل زوجة رامي صبري شيرين على خط الأزمة.
ووجهت مفيدة شيحة حديثها للطرفين، قائلة: أنتم نجوم أمام الذين تمثلوهم، ولم يكن صحيحا وقوع هذا الأمر، وحدوث هذا الاختلاف بهذه الطريقة، وهذا الاختلاف ينعكس على الجمهور، وهذا الأمر يسبب تحفزاً في نفوس جماهير، ويجز ورامي صبري بطريقة ليست صحيحة.
