\u0644\u0642\u0627\u0621 \u0627\u0644\u062e\u0645\u064a\u0633\u064a: \u062c\u0648\u0632\u064a \u0623\u0648\u0644 \u062d\u062f \u0634\u062c\u0639\u0646\u064a \u0644\u0644\u0639...

مقابلات

لقاء الخميسي: جوزي أول حد شجعني للعودة للغناء.. وانتظروني مع نيللي كريم

  كشفت الفنانة المصرية لقاء الخميسي، كواليس عودتها للغناء مجددًا، بعدما كان حلم الطفولة لديها، أن تصبح مطربة، قبل أن تتحول لمجال التمثيل. وقالت لقاء في تصريحات خاصة ومصورة لموقع "فوشيا": "الغناء مش جديد ولا حاجة بالنسبة ليا، المفروض إن الممثل يعرف يعمل كل حاجة، وأنا كنت بغني وأنا صغيرة وبعدين اتجهت للتمثيل". وأضافت: "كنت بغني في مسرحيات أطفال وكده، ووقفت تمرين غناء وركزت في التمثيل، بصراحة عاوزة أرجع تاني". وأردفت: "الموضوع برده محتاج تمرين، الصوت محتاج يتفتح، بقالي شهرين مثلا بكح وصدري تاعبني، بالتمرين الكتير كل ده بيتظبط، ويقوي الأحبال الصوتية، وأنا كمان بغني في البيت لما بكون رايقة،

 

كشفت الفنانة المصرية لقاء الخميسي، كواليس عودتها للغناء مجددًا، بعدما كان حلم الطفولة لديها، أن تصبح مطربة، قبل أن تتحول لمجال التمثيل.

وقالت لقاء في تصريحات خاصة ومصورة لموقع "فوشيا": "الغناء مش جديد ولا حاجة بالنسبة ليا، المفروض إن الممثل يعرف يعمل كل حاجة، وأنا كنت بغني وأنا صغيرة وبعدين اتجهت للتمثيل".

وأضافت: "كنت بغني في مسرحيات أطفال وكده، ووقفت تمرين غناء وركزت في التمثيل، بصراحة عاوزة أرجع تاني".

وأردفت: "الموضوع برده محتاج تمرين، الصوت محتاج يتفتح، بقالي شهرين مثلا بكح وصدري تاعبني، بالتمرين الكتير كل ده بيتظبط، ويقوي الأحبال الصوتية، وأنا كمان بغني في البيت لما بكون رايقة، ولما بكون مش رايقة بغني وبروق".

واستطردت: "محمد عبد المنصف جوزي أول حد شجعني على العودة للغناء، بيدعمني دايما وكل اللي حواليا بيدعموني، أخويا وأصحابي اللي بيحبوني بجد".

وعن الأمنية التي تتمنى تحقيقها، قالت: "أتمنى المشاركة في عمل فني استعراضي غنائي تمثيلي، يا رب تحصل حاجة زي كده".

وعن ما إذا كانت ستطرح أغاني جديدة لها، قالت: "في 3 أغاني متسجلة ومحطوطة شوية وهتتصور فيديو كليب، أنا بس كان لازم أغني في أول حفل ليا أغاني الجمهور يكون عارفها، ونشوف ردود الأفعال، لو تمام هغني أغاني خاصة بيا في الحفلة الجاية".

وعن أعمالها الجديدة في الدراما، قالت الخميسي: "بصور مسلسل مع النجمة نيللي كريم (ضد الكسر) تقريبا ممكن الاسم يكون اتغير".

وواصلت: "نيللي ممثلة رائعة ومختلفة، ومعانا محمد فراج، من أهم الممثلين على الساحة، ومعانا نجوم كتير مع الأستاذ أحمد خالد المخرج والمؤلف عمرو الدالي، أكيد هيطلع مسلسل كويس".


 

قد يعجبك ايضاً

قد يعجبك ايضاً