بوسي شلبي: أحببت محمود عبد العزيز بعمر الـ 13 عامًا.. وأشعر بوجوده دائمًا
بوسي شلبي: أحببت محمود عبد العزيز بعمر الـ 13 عامًا.. وأشعر بوجوده دائمًابوسي شلبي: أحببت محمود عبد العزيز بعمر الـ 13 عامًا.. وأشعر بوجوده دائمًا

بوسي شلبي: أحببت محمود عبد العزيز بعمر الـ 13 عامًا.. وأشعر بوجوده دائمًا


قالت الإعلامية المصرية بوسي شلبي، إنها تعتبر مهرجان الجونة السينمائي، مختلفا عن أي مناسبة فنية أخرى، مشيرة إلى أن السبب في ذلك من وجهة نظرها، هو وجود "البحر" في الجونة.

وأضافت بوسي في لقاء مع موقع "فوشيا" على هامش حضورها إحدى فعاليات مهرجان الجونة في دورته الرابعة التي تقام خلال الفترة الحالية: "بعتبر الجونة مختلف لإنه شوية صيفي، بعكس مهرجان القاهرة، بيحتاج شغل كتير وتقيل أكتر".

وتابعت: "مهرجان الجونة أكثر روشنة وواخد طبع المدينة الساحلية، إحنا لما بنيجي الجونة بنبقى روشين ومفرفشين".

وأردفت: "حتى مهرجان إسكندرية بحس إنه مختلف عن أي حاجة بسبب وجود بحر، ده بيخلي الموضوع مختلف، لما بتروحي الساحل بتاخدي معاكي لبس مختلف عن اللي بتاخديه معاكي وإنتي رايحة مكان تاني".

وتابعت حديثها قائلة: "الناس بيتعاملوا مع مهرجان الجونة على إنه (كان)، فبقى ياخد شكل تاني في اللبس والستايل وبنحاول نغير على قد ما نقدر".

وواصلت: "أنا كنت بشتغل قبل ما أتجوز محمود عبد العزيز بـ7 أو 8 سنوات، اللي حببني في المهرجانات كانت أحلام شلبي أختي مش محمود، لإنها كانت بتشتغل قبلي وكنت بروح معاها".

وعن ذكرياتها مع أول مهرجان حضرته، قالت: "أول مهرجان حضرته كان إسكندرية السينمائي، سنة 1978 وكانت أول دورة، ومحمود عبد العزيز كان متواجد، وأنا حبيته في الدورة دي وكان عندي 13 سنة، كان بيعمل فيلم مع شيريهان وبيصوروه في إسكندرية".

وأكملت: "هو مكنش متجوز ولا أي حاجة، كان مشهور بس يعتبر في البداية لسة، وأنا كنت طفلة ورحت مع أختي، قولتلها إني هتجوز محمود عبد العزيز، علشان كده بحب مهرجان إسكندرية".

واختتمت: "من 78 قعدت أحب محمود لحد ما اتجوزته وعشت معاه 20 سنة، وربنا يرحمه وأسعدوني بصورة كده عملوها في المهرجان حسيت إنه معايا، وأنا دايما بحس إنه معايا في كل مكان".

يذكر أن بوسي شلبي إعلامية مصرية تتمتع بعلاقة وطيدة مع معظم نجمات الوسط الفني، وسبق أن قدمت أكثر من برنامج، أشهرها على مجموعة قنوات "إيه آر تي".

Related Stories

No stories found.
logo
فوشيا
www.foochia.com