عفاف مصطفى: عانيت من تنمر عبد الرحمن أبو زهرة.. وابنتي اخذت موقفا مني
عفاف مصطفى: عانيت من تنمر عبد الرحمن أبو زهرة.. وابنتي اخذت موقفا منيعفاف مصطفى: عانيت من تنمر عبد الرحمن أبو زهرة.. وابنتي اخذت موقفا مني

عفاف مصطفى: عانيت من تنمر عبد الرحمن أبو زهرة.. وابنتي اخذت موقفا مني


 

كشفت الفنانة المصرية عفاف مصطفى، عن اتخاذ ابنتها الممثلة الشابة ياسمين رحمي، موقفًا منها، بعد أزمة هجومها على الفنان عبد الرحمن أبو زهرة، في أعقاب شكوى الأخير من تجاهله في الوسط الفني وعدم تقديم أدوار فنية له.

وقالت عفاف في لقاء خاص مع موقع "فوشيا"، على هامش تصوير مسلسلها الجديد "كواليس": "أنا اتبهدلت جامد والموضوع لما بيتفتح بتعصب، اتحملت اللي ميتحملهوش الجبال واتشتمت وبنتي خدت موقف مني، علشان كده الموضوع ده لما بيتفتح بضايق أوي.. موضوع صعب وسببلي ديفوهات نفسية كتير".

وأضافت: "أيوة أنا انتقدته على فيس بوك وقلت حاجات كنت مضايقة منها ومن حقي أقول رأيي في شخصه بس أنا مقيمتوش فنيًا، فمش من حق حد يزعل، هو ممثل كبير وله قامة وقيمة لكن أنا انتقدت أشياء وتصرفات عملها معايا وعملها مع حد يمتني بصلة ومش حابة أقول عمل إيه، التفاصيل دي مش عاوزة أتطرق ليها.. أنا قلت حقيقة وواقع حصل وحقيقة أنا عشتها".

وأكملت: "لما كتبت رأيي الناس كلها تعاطفت معاه.. ولما عملت مداخلة مع برنامج الأستاذ وائل الإبراشي الأمور انقلبت والكل تعاطف معايا رغم إني محكتش كل حاجة".

وعن إمكانية تعاونها مع عبد الرحمن أبو زهرة في أي عمل فني، قالت: "هو في شغله وأنا في شغلي، وله كل الاحترام والتقدير، الموضوع انتهى وفي الشغل إحنا مش بنعاتب بعض، ده شغلي الحاجة اللي بحبها وده يعتبر مكان عبادة".

وواصلت عفاف: "في المداخلة اللي عملتها، حكيت موقف واحد عمله مع ياسمين رحمي بنتي، لكن الحاجات اللي اتعملت معايا أنا من صغري محبتش أتطرق ليها لإن دي هتقلب الترابيزة، وهو راجل له مركزه وقيمته وممثل كبير".

وأردفت الفنانة المصرية: "اتهاجمت كتير جدًا بس رجعوا بعد كده وقفوا معايا علشان عملت المداخلة وحكيت بعض الأشياء مش كلها، أنا اتعرضت للتنمر منه وعانيت منه وأنا صغيرة، وبنتي عانت منه وهي صغيرة، اللي هو دايما في مشاكل مع الصغيرين.. مش مع النجوم السوبر ستار والممثلين صف أول".

وتابعت: "لكن الجمهور اللي شتمني ووقف ضدي لما كتبت المنشور، رجعوا وقفوا معايا واعتذرولي ونفس الكم من الجمهور وقف جنبي لمجرد إني عملت المداخلة وحكيت حاجات بسيطة.. والموضوع خلص وأنا قفلته علشان مش فاضياله".

واختتمت حديثها قائلة: "أنا فاضية لشغلي بس.. شغلي أهم، وفي شغلي لازم أعمل حاجة تخلي الجمهور اللي زعل علشاني وأصدقائي المقربين أبقى عند حسن ظنهم، أما الناس الي شتموني وركبوا الموجة فأنا معرفهومش، أنا بقدم شغلي للمحترمين بس".

وكان الفنان المصري عبد الرحمن أبو زهرة، عبر عن حزنه الشديد بسبب إهمال المخرجين لجيل الكبار من الممثلين، وعدم الاستعانة بهم للمشاركة في الأعمال الفنية الحديثة، مضيفًا: "الجيل الجديد اتفق على التخلص منا".

وقال عبدالرحمن أبو زهرة في تصريحات تلفزيونية، إنه يعاني من الاكتئاب الشديد ويشعر بالغربة في الساحة الفنية، موضحًا أنه بدأ العمل بالتمثيل قبل أن يولد كل المخرجين الذين يعملون حاليًا في مصر، ومع ذلك يتعمدون إهماله ولم يطلبوا منه المشاركة في أي أعمال فنية يقومون بإخراجها.

وأوضح الفنان المصري أنه احتفل في مارس الماضي بمرور 60 عامًا على احترافه التمثيل، معقبًا: "أنا لو مشتغلتش في التمثيل ممكن أموت".

 

Related Stories

No stories found.
logo
فوشيا
www.foochia.com