ياسمين رحمي: علاقة عمرو دياب ودينا...

مقابلات

ياسمين رحمي: علاقة عمرو دياب ودينا الشربيني "مثل أعلى" لكل المرتبطين

  كشفت الفنانة المصرية ياسمين رحمي، تفاصيل مسلسلها الجديد الذي تشارك في بطولته ويحمل اسم "كواليس"، مشيرة إلى أن العمل يدور حول شركة تحمل نفس اسم المسلسل، وجميع الأبطال يعملون موظفين بها. وقالت ياسمين في لقاء خاص مع موقع "فوشيا": "اسم المسلسل له معنيين، بيحكي قصة موظفين عاملين في شركة اسمها كواليس للدعاية والإعلان، ما بين مدير وعامل وسكرتير، لكن الاسم له معنى آخر وهو كواليس الموظفين إزاي بيتعاملوا مع بعض إيه المشاكل اللي ممكن يتعرضولها وكواليس العائلات، إزاي عائلة ممكن تبان إنها مبسوطة ولذيذة وفي كواليسها عندهم مشاكل كتير وإرهاقات كتيرة جدا". وأضافت: "أنا بلعب شخصية غادة، سكرتيرة المديرة

 

كشفت الفنانة المصرية ياسمين رحمي، تفاصيل مسلسلها الجديد الذي تشارك في بطولته ويحمل اسم "كواليس"، مشيرة إلى أن العمل يدور حول شركة تحمل نفس اسم المسلسل، وجميع الأبطال يعملون موظفين بها.

وقالت ياسمين في لقاء خاص مع موقع "فوشيا": "اسم المسلسل له معنيين، بيحكي قصة موظفين عاملين في شركة اسمها كواليس للدعاية والإعلان، ما بين مدير وعامل وسكرتير، لكن الاسم له معنى آخر وهو كواليس الموظفين إزاي بيتعاملوا مع بعض إيه المشاكل اللي ممكن يتعرضولها وكواليس العائلات، إزاي عائلة ممكن تبان إنها مبسوطة ولذيذة وفي كواليسها عندهم مشاكل كتير وإرهاقات كتيرة جدا".

وأضافت: "أنا بلعب شخصية غادة، سكرتيرة المديرة اللي بتقوم بدورها هيدي كرم، بنت فقيرة من منطقة شعبية ولكن طموحة بتضيع كل فلوسها على اللبس والمظهر وعايزة تبقى مشهورة وفنانة وعندها حقد طبقي لأنها فقيرة ومش عارفة توصل لحاجة، وموظفين الشركة معظمهم من طبقة أعلى من طبقتها، فهي بتحاول تبقى زيهم أو تبوظهم".

وتابعت: "شخصية سوسة بتوقع الدنيا في بعضها.. وبتسبب مشاكل في كواليس الشركة نفسها.. ممكن تتسبب في رفد حد أو تتنمر على حد.. وفي الآخر بيحصلها مشكلة بعد كل اللي بتعمله ده".

وعن كواليس تعاونها مع هيدي كرم، قالت الفنانة المصرية الشابة: "هيدي جميلة جدًا ومعانا الفنانة نورهان جميلة جدًا برده.. الاتنين لذاذ، وهيدي تعتبر شابة زينا وإحنا كلنا شباب، روحها حلوة متقلش عن روح أي فنان كبير وبتدينا طاقة إيجابية في التصوير".

وواصلت حديثها قائلة: "هيدي اتأثرت بالبرامج اللي بتعملها.. وأنا قاعدة معاها بحس إنها بتقدر تكسر التلج ما بيني وبينها زي ما بتكسر التلج مع الضيوف".

وعن رأيها في أغنية "أماكن السهر"، للفنان عمرو دياب، قالت رحمي: "تجنن.. أنا مبسوطة بروح عمرو دياب، أحلى كابل في الوسط عندنا عمرو دياب ودينا الشربيني، في حياة في علاقتهم وبيدوا مثل لكل الناس المرتبطة إن التقدير لازم يكون موجود بين الطرفين، وبيبقوا مع بعض في كل حتة، أتمنى إن الناس تقتدي بالعلاقة دي".

وأكملت: "أنا شايفة إن علاقة الراجل بالست علاقة خاصة، زي علاقة الشخص بربنا، لو كان عند عمرو ودينا حاجة عاوزين يقولوها للناس، كانوا قالوها، ممكن يكونوا مش حابين ينقلوا كل حاجة للناس عن علاقتهم، بس هما قايلين بشكل واضح إنهم بيحبوا بعض، وعمرو دياب مش محتاج يبرر علاقته بدينا أساسا.. هي علاقة جميلة وإحنا مبسوطين بيها وعاوزينها تستمر".

وعن جديدها في السينما، أوضحت: "في فيلم منتظرة عرضه، بطولة مجموعة شباب اسمه (فيروس)، ومعانا ضيوف شرف زي مها أبو عوف وريم البارودي.. وهو فيلم رعب بس مش الأوفر الي هو قتل ودبح.. في إثارة وتشويق".

 


 

قد يعجبك ايضاً

قد يعجبك ايضاً