تامر فرج: عندي مشكلة مع زوجتي.. وال...

مقابلات

تامر فرج: عندي مشكلة مع زوجتي.. والأخيرة تعلق: اكتشفت فيه 7 صنايع

كشف الفنان المصري والسيناريست تامر فرج، عن كواليس مشاركته في عضوية لجنة تحكيم مسابقة ملكة جمال مصر وملكة جمال مصر للبيئة والسياحة "ميس إيجيبت"، للعام الثاني على التوالي. وقال فرج في لقاء مع "فوشيا": "مشاركتي كانت من خلال دعوة كريمة من صديقتي الدكتورة آمال رزق رئيسة المسابقة.. ثقة كبيرة إنها تديهاني للسنة التانية". وأضاف: "مش واخد الموضوع بسطحية، مسابقات الجمال والفاشون أنا بحب أكون مشارك فيها، لإني شايف إنها مش حاجات بسيطة ولا هايفة.. ناس بتقول علينا إيه الهيافة دي والناس الفاضية.. بس المصيبة إن القبح وصل جوانا وبرانا لدرجة كبيرة، وبقينا مش مقدرين قيمة الجمال ومش عارفين نتذوقه". وعن

كشف الفنان المصري والسيناريست تامر فرج، عن كواليس مشاركته في عضوية لجنة تحكيم مسابقة ملكة جمال مصر وملكة جمال مصر للبيئة والسياحة "ميس إيجيبت"، للعام الثاني على التوالي.

وقال فرج في لقاء مع "فوشيا": "مشاركتي كانت من خلال دعوة كريمة من صديقتي الدكتورة آمال رزق رئيسة المسابقة.. ثقة كبيرة إنها تديهاني للسنة التانية".

وأضاف: "مش واخد الموضوع بسطحية، مسابقات الجمال والفاشون أنا بحب أكون مشارك فيها، لإني شايف إنها مش حاجات بسيطة ولا هايفة.. ناس بتقول علينا إيه الهيافة دي والناس الفاضية.. بس المصيبة إن القبح وصل جوانا وبرانا لدرجة كبيرة، وبقينا مش مقدرين قيمة الجمال ومش عارفين نتذوقه".

وعن تكرار لقاءاته مع موقعنا "فوشيا" مؤخرًا، علق مازحًا: "مبسوط جدا إني بتلاقى مع فوشيا دايمًا، وبالمناسبة أنا مليش في الألوان، عندي مشكلة مع الستات بشكل عام ومع مراتي وبنتي بشكل خاص، إني معنديش خبرة في الألوان.. أنا أعرف أحمر أخضر.. معنديش الدرجات اللي في النص خالص".

كما التقى "فوشيا" بزوجة تامر فرج، "رانيا"، وتحدثت عن فترة الحجر المنزلي وقضاء زوجها وقتًا أكبر في المنزل، بسبب فيروس كورونا، قائلة: "تامر في فترة الكورونا اكتشفت إنه 7 صنايع، جنايني وسباك وكهربائي ونجار وكل حاجة.. أنا اتفاجئت وبيعمل حاجات صعبة جدًا في البيت".

وعلق تامر فرج قائلًا: "إحنا علطول مع بعض في البيت والشغل، أنا كائن بيتوتي وخاصة بعد ما اتجوزت رانيا، قبل الجواز كنت لازم أقعد في كافيه يوميًا لمدة 5 سنين علشان أكتب".

وأردف: "بس بعد الجواز رانيا عملتلي ركن خاص بيا في البيت علشان أشتغل فيه.. فالكورونا مفرقتش معانا أوي".

وعن مسلسله "الآنسة الفرح" وموعد طرح الجزأين الثاني والثالث، قال فرج: "إحنا قررنا نعمل الجزئين مع بعض، لإننا متعاقدين إننا نكمل السلسلة كلها، التاني والتالت والرابع وفي الخامس كمان ان شاء الله اللي نزل في أمريكا خلاص".

واستطرد: "كان المفروض نصور الأول والتاني ويذاعوا مع بعض، لكن لظروف إنتاجية مقدرناش.. اتعرض الجزء الأول فقط.. وكنا مضطرين إننا نشتغل على التاني والتالت مع بعض وهيتعرضوا في شهر 11 إن شاء الله".

واختتم فرج حديثه بتوجيه رسالة إلى زوجته رانيا، قائلًا: "أنا بقول علطول قدام كل الناس، عاوز أقول بقى شوية ليها لوحدها، ويارب يخليها ليا ويحفظها".


 

قد يعجبك ايضاً