أكدت الفنانة المصرية آثار الحكيم أن قرارها باعتزال الفن قبل نحو 15 عامًا جاء عن قناعة شخصية وبعد مسيرة فنية ناجحة، نافية أن يكون الاعتزال بسبب أزمات داخل الوسط الفني أو لاعتبار الفن حرامًا، كما وجهت انتقادات لفيلم "برشامة" بسبب ما اعتبرته تجاوزًا في بعض مشاهده.
آثار الحكيم: اعتزلت في قمة نجاحي
خلال مداخلة هاتفية مع الإعلامية نهال طايل في برنامج "تفاصيل"، قالت آثار الحكيم "السنين بتجري، لكن من فضل الله أنا على تواصل مع الناس، وبشوف رسائل جميلة من الناس على فيسبوك".
وأضافت "ربنا يثبتني، أنا اعتزلت تمامًا، الحمد لله على كل شيء، ربنا أكرمني واعتزلت في قمة شغلي وعملي ونجاحي".
وردًا على ما يتردد بشأن أسباب اعتزالها، أوضحت آثار الحكيم: التفكير التقليدي، الناس اللي بتقول اعتزلت بسبب مشاكل في الوسط الفني أو القول إنها تابت، لأ، مفيش حاجة اسمها كده، أنا من فضل الله تشبعت والفن مش حرام نهائيًا.
وشددت على أهمية الوعي الديني والمعرفة، قائلة: والله أول عدو للإنسان الجهل، إحنا مش عارفين أولها من آخرها فين، إحنا تايهين شوية.. أول فريضة ربنا أمرنا بيها هي اقرأ، يعني اعلم وافهم حق ربنا علينا إيه وإحنا رايحين فين.
رسالة عن الحياة والغاية من آثار الحكيم
وتحدثت الفنانة المعتزلة عن نظرتها للحياة، مؤكدة أن الإنسان يجب أن يدرك حقيقة وجوده، وقالت: الحياة أقصر رحلة، حتى لو عشنا 100 سنة هتحسي إنها ساعة، فإحنا لازم نفهم إحنا جايين ليه ورايحين فين.
آثار الحكيم تهاجم فيلم "برشامة"
في سياق آخر، انتقدت آثار الحكيم فيلم «برشامة»، بطولة الفنان هشام ماجد ومصطفى غريب وحاتم صلاح وعدد من الفنانين، مؤكدة أنها شاهدت بعض المقاطع المتداولة من العمل.
وقالت: ربنا يعفو على الجميع، مينفعش أتريق على اللي خالقني، استغفر الله العظيم، كل ده نتيجة الجهل، الأمية الدينية.
واختتمت آثار الحكيم حديثها بالتأكيد على أن الفن في حد ذاته ليس محرمًا، موضحة: مفيش حاجة اسمها الفن حاجة والدين حاجة، الفن مش حرام، إنما أي حاجة في الدنيا تغضب ربنا حرام.
وأضافت: الطبيب اللي بيعمل عملية والمريض مش محتاج العملية، حرام، والمهندس اللي بيبني عمارة وميبقاش حاطط الأسمنت كويس، حرام، الحلال بين والحرام بين في أي مهنة.
