استشاطت الفنانة المصرية رحمة حسن غضبا على معجب يلاحقها منذ عامين عبر حساباتها على مواقع التواصل الاجتماعي دون توقف رغم أنها اتخذت إجراءات قانونية بحقه.
وقالت حسن إن هذا المعجب "مجهول الهوية" يتابع كل تحركاتها، ويطاردها برسائل متتالية، وطلبت من أي شخص من متابعيها التحرك لوقف هذه التصرفات؛ لأنها لم تعد تجد حلا للموضوع.
ووثقت الفنانة المصرية "سكرين شوت" من رسائل المعجب الأخيرة عبر إنستغرام، معلقة: "الرسالة دي جاتلي النهارده من نفس الشخص".
تابعت: "واللي هو حاطه ده الأكونت الخاص بتاعي اللي عليه أصحابي البنات بس.. يا ريت حد يتصرف لأن كده كتير".
وسبق أن نشرت الفنانة مجموعة من الرسائل التي وصلتها من المعجب، وكتبت: "الشخص ده من سنتين وهو بيبعت رسايل غريبة وبيعمل حاجات غريبة وبيضايق كل صحباتي البنات، لو نزلت صورة او حاجه معاهم بيدخل يبعتلهم وحتى الناس اللي بشتغل معاهم او اصحابي في العادي بيدخل يدور علي الاكونتات بتعتهم ويبعتلهم اغاني وحاجات غريبة ويسال عني انا في وبروح فين، وكل اصحابي مش واحد بس، عمل كده مع اكتر من حد..".
وأضافت: "متتبع الاماكن اللي بروح فيها ومش عارفة بيعرف منين، بقالي سنتين على الحال ده اخرها المكان اللي كنت مفروض اروحه بكرة علشان شغل!"
وتفاعل العديد من متابعيها مع الأزمة التي تتعرض لها وطالبوها باللجوء إلى المباحث الإلكترونية لتقديم شكوى بحقه، فردت عليهم: "شكراً للتوضيح.. أنا بلغت مباحث الإنترنت.. والنهارده بلغت تاني".
وكانت إحدى المتابعات قد دعتها لمقابلته، وقالت لها: "اتعرفي عليه وقابليه مش يمكن يكون كويس وطيب ولكن عبر بالطريقة الغلط عن مشاعره؟ وانا مش ببرر فعله ولا بدافع عنه على فكرة ولكن بحاول افتحلك سكة لفهم شخصيته من زاوية مختلفة لأنه الراجل بالرغم من فعله الغلط تماما في انه يراقبك ويلاحقك بس باين من كلامه النية الطيبة وانو مش قاصد أذى بالرغم من إنه عن غير عمد بيأذيكي".
لكن تعليق المتابعة عرضها لانتقادات، ونصح الجمهور الفنانة رحمة حسن بأن تأخذ حذرها منه، وأن تحصّن نفسها قدر الإمكان؛ لأنه قد يكون يعاني من مرض نفسي، ويعرّضها لمكروه ما.
