ريهام عبد الغفور: أمي منعتني من أدوار الإغراء.. وأنا مريضة بالقلق
كشفت الفنانة المصرية ريهام عبد الغفور، سبب امتناعها عن تقديم أدوار الإغراء في الأعمال الفنية، مشيرة إلى رفض والدتها لظهورها بالمايوه.
وقالت عبد الغفور خلال لقائها مع برنامج "أنا والقناع": "لما رفضت أدوار الإغراء ولبس المايوه كنت طفلة، وما زلت عند رأيي لكن لأسباب أخرى، لأن أمي متزمتة ومحافظة جدا، وهذا كان طلبها، لكن قناعتي الشخصية كنت أتمنى أقدر أقدم كل الأدوار، لأن الفنان الذي يقوم بذلك يقدم للفن أكثر مني".
وأضافت: "المجتمع بقى يحكم على الفنان من شكله ولبسه أكثر من شخصيته، وأنا اخترت رضا أمي، ومش بعمل الحاجات دي لأسباب أخرى لكن كقناعة أنا كان نفسي أعمل كل حاجة لأن اللي بيعملوا بيقدموا أكتر مني للفن وهي قدرات ومقدرة وظروف".
وتابعت: "بقينا متحفظين أكتر في الدراما والمجتمع بيحكم عليا من شكلي ولبسي وممكن الناس متهمنيش بس أمي تهمني لأن أمي حاجة زي دي تضايقها وتزعل أوي ومش عايزة في النهاية أضايقها وازعلها وهختار رضاها في الآخر".
واستكملت: "والدتي دلوقتي بقت متهمة أكتر ومرنة وكمان بتتخانق معايا زمان لو عملت دور راقصة وهي ودانية شوية لو واحدة صاحبتها كلمتها تبقى مشكلة دلوقتي فهمتني وفهمت شخصيتي واختياراتي".
وردا على سؤال هل سترفضين دورا مهما الآن لو تضمن الظهور بمايوه، قالت عبد الغفور: "هحاول أتكلم في الموضوع وزاوية تصوير المشهد".
أعمال ندمت على رفضها
وعن الأعمال التي رفضتها، وشعرت بالندم فيما بعد، ذكرت: "فيلم قلب جرئ ياسيمن عملته وساعتها رفضت أعمله عشان كنت مشغولة في المسرح".
وأضافت: "كان عندي سوء اختيارات لما شاركت في أعمال زي عليا الطرب بالتلاتة وبالعربي سندريلا وكنت عايزة سينما وخلاص وفي حاجات معملهاش دلوقتي حتى لو هتنجح، وبقيت بختار اللي هيبقى زوقي دلوقتي وده مكنش مناسب ليا ولا لوقتها ولا اي وقت"
وكشفت رفضها للعمل "بالواسطة": "مش عايزة حد الواسطة والمحسوبة ومكنتش عايزة حد بيقول بتمثل عشان أبوها".
مرضها بالقلق
وأوضحت: "أنا مش مثالية ولا نموذجية بس كنت بميل للرقة والهدوء ومفيش حد مثالي، بس أنا عندي عيب وأني مريضة بالقلق والإحساس بالذنب ولوم نفسي".
تأثير زوجها عليها
كما تطرقت الفنانة المصرية للحديث عن زوجها شريف الشوبكي، مبينة مدى تأثيره عليها، قائلة إنه طور شخصيتها بشكل جيد؛ لأنها كانت تعاني من قلة الثقة بحسب تعبيرها.
وحول ثقتها بشكلها الخارجي، واللجوء لعمليات التجميل، أوضحت عبد الغفور: "أنا راضية عن شكلي وعايزة ابقى مناسبة للدور وبحب شغلي أوي وبخاف عليه أكتر من شكلي وفي شخصيات أعرفها الموضوع بيبقى ادمان وبيبقى شكلهم مختلف، أما أنا مش عايزة شكلي يبقى مختلف أنا عايزة ابقى حقيقة وصادقة لان ده شغلي".
وأضافت: "ولو بشتغل شغل تاني ابقى اعمل حاجات تصغرني أما شغلي معتمد على التعبيرات فبخاف أثر عليها وساعات الخطوط بضايقني وحظي مش احسن حاجة في الموضوع والخطوط بتعلم أكتر من سني عشان جلدي حساس".
