كشفت الفنانة المصرية المعتزلة ميار الببلاوي، تفاصيل تعرض ابنها لسرقة سيارته الخاصة، مشيرة إلى تمكن الجهات المعنية من القبض على المتهمين بعد 24 ساعة من السرقة، رغم عدم وجود أي دليل أو كاميرات مراقبة تكشفهم.
وكتبت الببلاوي عبر حسابها الرسمي على "فيسبوك"، قائلة: "من 3 أيام وأنا في موال سرقة عربية ابني، وربنا عالم الخضه والقهرة اللى عيشتها أنا ومحمد، بس لما تكون في مصر بلد الامن والأمان، واستجابة الداخلية متمثله فى قسم الهرم، ونقطة الرماية وحدائق الاهرام، وما شاء الله يظبطوا العيال متلبسين وهما بيبيعوا الجنوط والكاوتش فى أقل من 24 ساعة رغم إن العربية كانت بعيدة عن أي كاميرات، ومفيش أي حاجة ترشد عن الحرامية بس المجهود الجبار اللي قاموا بيه رجال المباحث".
وأضافت: "لا أملك إلا الدعاء لهم إن ربنا يسدد خطاهم ويكرمهم ويحفظهم لأولادهم زي ما يحافظوا علينا ويأمنوا، ودا شكرا مفروض لكل من العميد هاني الحسيني مفتش مباحث الهرم، والعقيد أحمد عصام رئيس مباحث الهرم، والرائد كريم معاون مباحث النقطة، والبلوك أمين نجيب".
وتابعت: "وكل أفراد الأمن وكل من وقف جنبي أنا وابني وردلنا حقنا وحاجتنا وفعلا مصر فى أمان، بدال دول رجالتها شكرا جزيلا السيد مدير أمن الجيزة، والسيد وزير الداخلية، وسيادة الرئيس عبد الفتاح السيسي، وتحيا مصر".
الفنانة تتعرض لبعض المضايقات
وعلى صعيد مختلف، أعربت ميار الببلاوي أخيرا عن غضبها واستيائها، بسبب تعرضها لمضايقات من قبل عدد من المتابعين الرجال، حيث كتبت عبر حسابها الرسمي "فيسبوك": "أخر مرة أقسم بالله، لو أي راجل وعيب أقول عليه راجل دخلي خاص، غير أهلي وشغلي هشير المسج بتاعته وعليها كومنت يهينه، عيب أنا ست متجوزة وبعشق التراب اللى بيدوس عليه جوزي وبحترمه في غيابه قبل وجوده، ولأنه مش فى مصر احترامي لغيابه أكتر".
ووجهت تحذيرا قائلة: "دا آخر انذار مش هخرب على نفسى علشان شويه رجاله استغفر الله ميرضوش اللى بيعملوه دا على مرتاتهم اتقوا الله بقى أوف، أنا ست كبيرة ومحجبة وأم راجل ومرات سيد الرجالة عيب جتكوا البلا".
