استنكرت الممثلة المصرية فريدة سيف النصر الهجوم على الفنانين، مشيرة إلى أنّ لهم دورا قويا في المجتمع، ويوفرون دخل حوالي 14 مليون شخص، ما بين عامل في مسلسل، أو كاتب أو مخرج وغيره، مبدية استغرابها من التعليقات السلبية التي يتلقاها النجوم عبر مواقع التواصل.
وقالت سيف النصر في رسالتها دونتها عبر حسابها في فيسبوك: أنا زعلانه علينا كلنا.. المصريين أحلى وأطيب وأجدع من كده بكتير، خفة دم وكرم وذوق، إيه اللي حصل؟، ليه بنستخبي ورا شاشات وتنزل نحر رقاب بعض، الكلمة القاسية بتذبح، بقينا نكديين منعرفش نفرق بين جد وهزار، كله عايز يتخانق مع كله.. إيه ده، كل يوم يعاملوك بوش أو حسب المصلحة".
وأضافت الممثلة المصرية: "في إيه بعض الناس ماسكين الفنانين وكأن في تار بلا أسباب، دي عجزت ودي كرمشت ودي غيرت دينها، وده دمه تقيل وده كبر في السن لكن بيغني، وده بيرقص كونغرو، وده اتكسح ودي روحي موتي كفايه.. مالكم في إيه بجد.. هما الناس دي ما أسعدتكمش أعمالهم فترات من الزمن؟، طيب بلاش أنت مابتحبيش فلان غيرك بيحبه".
كما تابعت: "في إيه يا جماعة تحسوا مخطط لهدم الفنانين القوى الناعمة، اللي فاتحين بيوت 14 مليون متخيلين، كل المهن شغالة معانا تحت أيديهم كام عامل، وأسطى كل واحد فيهم عنده أهل وزوجه، وأطفال وفي اللي جوز ولاده وعندهم بيوت مفتوحة، بتحاربوا تمن عدد البلد في أكل عيشهم، اقرأوا كده المسلسل بيكتب ناس قد إيه عِمالة في العمل، كفاية هد في الفن، الوحش انقدوه بأدب والكويس شجعوه، إنما تهزأوا فنانين كبار ليه يعني، على فكره أنا عارفة إنها لجان مستهدفة الفن المصري، والفن عمومًا ما هو العربي بيصب هنا.. هاه قرروا إيه.. هنشتم من ورا الشاشة، ولا هنقول كلام نصح حلو يا باشا".
وأخيرًا؛ أطلقت الفنانة فريدة سيف النصر تصريحات مثيرة للجدل بشأن حياتها الفنية وكواليس عاشتها بعيدا عن الأضواء، خاصة عن علاقتها بوالدتها التي فارقت الحياة أخيرا، بعد معاناتها مع مرض السرطان، وحديثها عن فترة ارتدائها الحجاب.
وأكدت فريدة سيف النصر، في حوار تلفزيوني، رفضها للاستخدامات الخاطئة لوسائل التواصل من قبل بعضهم، قائلة: ”السوشيال ميديا عشان الناس تجننت، وأنا كبرت مفروض كل سنة بتخطيها مفروض بتعقلي، لأننا قدوة للي أصغر منا“.وانتقدت بطريقة غير مباشرة بعض الفنانات اللواتي يعتمدن الجرأة في ملابسهن وإطلالاتهن، وقالت: ”الشغل الشاغل للبعض هو تقديم الأشياء الغريبة سواء في الملابس أو الأسلوب الخاطئ.. إنتي معروفة ومشهورة، مفروض تبقي زي الفاكهة ميعرفوش يشوفكي كل فين وفين، متبقيش في كل حاجة من غير مناسبة“.
كما قالت الفنانة، ”أنا عندي دكاترة تجميل أصدقائي عرضوا عليا عمليات التجميل ورفضت، لأن خلق الله أجمل من أي خلق“، ”لأي فنانة ”بتلعبي في وشك ليه، وهل حضرتك هتعمل حاجة أجمل من خلق الله“.
ولم تتمالك دموعها أثناء حديثها عن والدتها الراحلة، وقالت إنها في معظم أوقاتها تتذكر أغاني والدتها لها، ووجهت الفنانة المصرية رسالة للجمهور بضرورة قضاء أكبر وقت مع أمهاتهم، لأنها تشعر أنها لم تقض معها وقتا كافيا في أيامها الأخيرة، بسبب انشغالها في تصوير مسلسل ”موسى“ مع محمد رمضان في موسم رمضان قبل الماضي، وقالت إنها كانت تطلب منهم في التصوير مراعاة ذلك من أجل أن تبقى مع والدتها.