روبي مع أختها.. وتؤكد: ظلمت والدتي لرفضي زواجها وهذا عمري الحقيقي
مشاهير أخبار المشاهير
04 أغسطس 2022 23:53

روبي مع أختها.. وتؤكد: ظلمت والدتي لرفضي زواجها وهذا عمري الحقيقي

avatar محمد موسى

ظهرت الفنانة ميريهان مجدي المشهورة بـ“كوكي“، الأخت غير الشقيقة للفنانة المصرية روبي، للمرة الأولى معا على الهواء، حيث علقت الأخيرة: ”إحنا مش شقيقتان، بس كوكي أختي وصاحبتي، وماما شخصيتها قوية خلتنا نحب بعض، ونتمنى نموت في يوم واحد من كتر ما بنحب بعض“.

وكشفت روبي خلال استضافتها ببرنامج ”معكم منى الشاذلي“، الذي تقدمه الإعلامية منى الشاذلي، أنها تكبر عن أختها ”كوكي“ بـ 6 سنوات.

من جانبها ذكرت ”كوكي“ جانبا من ملامح شخصية روبي في المنزل، قائلة: ”روبي كوميدية أوي في البيت عدا وهي صاحية من النوم، محدش بيجي جنبها، كارثة، وبتتكسف ووشها بيحمر لو حد قالها كلمة حلوة“.

2022-08-screenshot-www.youtube.com-2022.08.05-02_49_01-1

وخلال الحلقة، ذكرت روبي أنها لا تجيد طهي الطعام: ”حرقت الأكل والبيت مرة، بس مش لدرجة إني فاشلة، قررت أعمل بطاطس محمرة، وبعملها تحفة، وبحب الأكل على نار هادية أوي، فطبختها على 3 أيام، فنمت وسبت البطاطس على النار فبقت حريقة“.

كما تحدثت عن اسمها الحقيقي قبل دخولها عالم الفن، قائلة: ”في البيت أسرتي بتقولي رانيا مش روبي، في الشارع فاكرين إن اسمي رباب، وده مش حقيقي؛ لأن اسم روبي ماكنش متداول أوي في الشارع“.

ولفتت الفنانة المصرية إلى أن ”اسم روبي فني بحت وأنا اسمي الحقيقي رانيا، واستغربت الاسم ده في البداية“.

وبشأن تفاصيل اختيار هذا الاسم، أوضحت روبي: ”المخرج يوسف شاهين هو اللي أطلق عليّا اسم روبي وقت ما كنت بعمل معاه فيلم (سكوت هنصور) كان علاقته بيّا كويسة وقالي انتي اسمك هيبقى روبي، وعجبني الاسم لأنه أسهل في النطق عن رانيا“.

2022-08-screenshot-www.youtube.com-2022.08.05-02_49_58

وتحدثت عن سبب دخولها الوسط الفني قائلة: ”دخولي مجال الغناء والفن كان بسبب إني عاوزة أجيب فلوس اشتري بيها هدوم، وأجمع فلوس دروس الثانوية العامة، كان هدفي الأول هو الفلوس، مفكرتش في الشهرة في بدايتي“.

وبيّنت: ”بدايتي الفنية كانت كموديل إعلانات، لكن يوسف شاهين شاف أن ممكن أمثل، واختارني في فيلم (سكوت هنصور)، وبدأت مسيرتي الفنية والشهرة من بعد الفيلم ده“.

وكشفت روبي عن بدايتها التي يشبهها البعض بالجريئة؛ بسبب الشكل الذي كانت تظهر به في الأغاني والكليبات، قائلة: ”اتعرضت لمواقف كتير بسبب الأغاني بتاعتي في بدايتي، والولد اللي كنت بحبه سابني؛ لأنه مش هيستحمل ردود فعل الناس“.

وأوضحت: ”اتخضيت من ردود الفعل على الكليبات بتاعتي في البداية، وحصلي أزمات كتير وخالاتي قاطعوني، لكن سني وقتها كان صغير، ومش مدركة اللي بعمله“، مضيفة: ”عشان كده قررت أغير اختياراتي“.

وحول علاقتها بوالدتها قالت: ”ظلمتها جامد لأني رفضت أنها تتجوز بعد وفاة والدي، ودلوقتي بضرب نفسي بالجزمة لأنها كانت صغيرة ومن حقها تعمل كده لأنها اترملت وهي عندها 34 سنة“.

2022-08-screenshot-www.youtube.com-2022.08.05-02_50_58

وأشارت إلى أن والدتها وخالاتها كُنّ سببا في تكوين شخصيتها، فتعلمت منهن تحمل المسؤولية، والاعتماد على النفس، مضيفة: ”مبطلبش من حد حاجة ولا بقول لأي شخص عايزة حاجة، متعودتش اعتمد على حد من صغري وأنا كنت طفلة متمردة وعنيدة“.

وكشفت روبي عن عمرها الحقيقي خلال الحلقة قائلة: ”أنا بقول سني عادي، ومش بخبّي ولا بتكسف أقول أن عندي 40 سنة“.