حلمي بكر عن ترشحه لمنصب نقيب الموسيقيين: لن أدخل أرضا "موبوءة"
مشاهير أخبار المشاهير
02 أغسطس 2022 14:23

حلمي بكر عن ترشحه لمنصب نقيب الموسيقيين: لن أدخل أرضا "موبوءة"

avatar أحمد الشافعي

ردّ الموسيقار والملحن المصري حلمي بكر، على ما أثير من مطالب بشأن ترشحه لمنصب نقيب الموسيقيين خلفا للفنان هاني شاكر الذي قدم استقالته رسمياً في أواخر يونيو الماضي، قائلا إنه لا ينوي الترشح لهذا المنصب لأنه لن يدخل أرضا ”موبوءة“.

وأكد بكر في تصريح خاص لـ“فوشيا“ أن نادية مصطفى عضو مجلس النقابة تحدثت معه بشأن ترشحه للمنصب كونه واجهة وكاريزما وله شخصية، فرفض الأمر برمته معللاً ذلك بقوله: ”مينفعش ولازم النقابة من جذورها كلها تتشال“.

وأضاف: ”المستشارين اللي جوه النقابة لازم يمشوا لأن في عمليات خطيرة جداً واللي يخش مكان لازم يخش المكان نظيف من جوه إزاي تخش وفي ثعابين هي اللي مخططة كل حاجة؟“.

وأشار إلى أن النقابة تحتاج تدخل الدولة وليس الأفراد، لأن هناك عمليات خطيرة تتم، ومن هنا لابد على الدولة أن تتحرك لاتخاذ خطوات وقرارات جدية بشأن ما يدور في النقابة.

وعقب حلمي بكر، قائلا: ”بنقول بقالنا فترة لازم الدولة تتحرك ومحصلش تحرك يبقى أنا اللي هتحرك ؟.. الأرضية موبوءة وأنا مش هترشح تخيل تدخل منطقة موبوءة هتمرض فلازم تنضف المكان الأول.. واللعب اللي بيتم جوه من المستشارين وفي توضيب دي ناس بقالها 4 دورات بتنجح يبقى هتخش عليهم إزاي؟“.

ونوه حلمي بكر، إلى أنه لن يترشح لمنصب نقيب الموسيقيين حتى لو تدخلت الدولة ووضعت يدها عليها، متابعاً: ”طالما في مكان بيزن بمليون ميزان وإحنا حالنا الفني اللي موجودين فيه بسبب النقابة واللي موجودين على الساحة بسبب النقابة اللي من غير تصاريح بيشتغلوا طيب ده مقابل إيه؟.. الدولة تدور بقى“.

وبين بكر أنه يدعم مصطفى كامل مرشحاً لمنصب نقيب الموسيقيين خلال الفترة المقبلة، لاسيما وأن له دورة سابقة نجح فيها، معقبا: ”إذا أجريت الانتخابات بتلك الطريقة عليه العوض في النقابة واجب الدولة دلوقتي تخش وتقيل المجلس وتكون مجلس من 5 أفراد وتحدد موعداً لإجراء الانتخابات غير كده لأ اللي بيعملوا الانتخابات هما اللي بيرتكبوا الجرائم جوه النقابة“.

وشدد حلمي بكر، على أن دعمه لمصطفى كامل، لا يعني أنه سينصحه بفعل شيء ما، مستطردا: ”مصطفى عارف كل حاجة مش محتاج نصيحة من حد ده عنده أوراق وعنده مستندات وبلاوي متلتلة مش محتاج حد يقوله“.