أثارت مشهورة مواقع التواصل الاجتماعي السعودية، رهف القحطاني، غضب متابعيها بسبب تفاخرها بأموالها بطريقة وصفت بالمستفزة.
وظهرت القحطاني في مقطع فيديو شاركته عبر حسابها في سناب شات، وهي تضحك بطريقة غريبة قائلة: ”سويت أسناني.. معي فلوس، سويت خشمي.. معي فلوس، سويت تاتو حاجبي اللي كنا نساويه دايما بثلاث ألاف ريال سويته ببلاش بإعلان“.
وتابعت: ”الشيء الثاني ألبس ملابس كشخة بفلوس.. أول ما معي فلوس، أنتم يوم تقولون صارت تعرف تلبس.. أنا من زمان أعرف ألبس بس ما كان معي فلوس.. ما معي طفرانة".
وأردفت المشهورة السعودية: "كانت الفلوس تروح في الالتزامات.. الملعونة الخدامة تاخذها تاخد نصف راتبي تاخد ألفين ريال وأنا أربعة إيش أسوي بالألفين.. بنزين مصاريف البيت أكل شرب كهرب موية والله.. الفلوس تسوي كل شي“.
وختمت قائلة: ”ركبت رموش اللي نركبها بـ 600 ريال.. فلوس.. والعدسات بفلوس،، شي طبيعي يا بنات،، الفيو اللي انا فيه بفلوس،،كلشي.. ايش نسوي،، هذه الصراحة تقبلوها،، أنا من الأول عندي ذوق في الملابس في الفاشن بس ما في فلوس“.
وحظي مقطع الفيديو بتفاعل كبير من قبل رواد مواقع التواصل الاجتماعي، وانتقدوا أسلوب رهف بالتفاخر بأموالها، وطريقة كلامها، فيما نصحها البعض بأن تأخذ دروسا في فن التواصل مع المتابعين.