ميار الببلاوي: ابني بيموت بين إيدي
مشاهير أخبار المشاهير
13 يونيو 2022 7:14

ميار الببلاوي: ابني بيموت بين إيدي

avatar لين محمد

من الواضح أن الفنانة المصرية المعتزلة، ميار الببلاوي، تعاني الفترة الأخيرة من حالة نفسية صعبة، بعدما شاركت متابعيها العديد من المنشورات تكشف تفاصيل عن حياتها العائلية والظروف السيئة التي تعاني منها.

ومؤخرًا، قالت ميار الببلاوي إن ابنها يعاني من مرض شديد جعله طريح الفراش، بينما هو على أعتاب الامتحانات الجامعية، فمن المقرر أن ينهي آخر اختبارات تخصصه الجامعي في الاقتصاد و العلوم السياسية خلال هذه الأيام، وذلك في منشور شاركته عبر حسابها على ”فيسبوك“.

وأعربت االببلاوي في المنشور عن حزنها وتعاستها مما يمر به ابنها، وكتبت: ”ايه ده ايه الدنيا دي ايه الناس دي ايه الواحد عايش فى كوكب لوحده ملهوش حد ولا يفرق مع حد كلوا يالا نفسي ولو ليه مصلحه يعملك نفسه مروحه ولا ملوش متلزموش“.

2022-06-BeFunky-collage2-60

وتابعت منشورها في سرد موقف لها وقع مع إحدى السيدات اللاتي قابلتهن في المسجد، وقالت: “ دي كلمة ست طيبه لقتني ببكي فى المسجد بتاع المقابر وقالتلي دموعك غاليه وفريها لحاجات كتير والله استغربت كلامها وكانها بتاهلني للي جاي“.

وحول مرض ابنها، قالت الببلاوي: ”النهارده ابني من الصبح بيموت بين ايدى بيرجع وبيتلوى من المغص ودكاتره داخله ومحاليل وحقن وادويه وبكره امتحانه الصبح لأنه في بكالوريوس ودي اخر مادة طبعا كده خلاص مفيش أمل الا بمعجزه من عند ربنا لأنه رايح راس فى راس والسخونيه 40“.

وختمت ميار منشورها: ”الاقي حد حقير كلمني وبحكيله ان ابني تعبان وبيموت من المغص وبيصرخ يطلب الطلب الى هو عاوزه ويقفل عاوزه اقول الله مايحوك حد لحد بس بعد الضنى مفيش وكده حلو اوي“.

وقبل عدة أيام، كانت الفنانة المعتزلة قد كشفت أنها تعاني من حالة نفسية صعبة وطلبت من متابعيها الدعاء لها، مُشيرةً إلى أن علاقتها بزوجها وابنها غير جيدة، كما أنها أهملت بيتها، فلم تعد تنظفه أو تعد الطعام، ورغم لجوئها لوالدتها من أجل طلب المساعدة، إلَّا أن ذلك لم يفدها.

2022-06-BeFunky-collage2-61

وكتبت في منشور عبر فيسبوك: ”و“بسم الله الرحمن الرحيم، من امبارح مخنوقة وقلبي مقبوض وعصبية جدا ومليش نفس لأي شغل نهائي، ولا عاوزة أرد على الموبايل ولا أكلم حد، ومتخانقة مع جوزي، وابني عنده امتحانات وبرضه مضايقاه، ومش فاهمة فيا إيه عمالة أعيط، ومش بقدر أتحرك علشان رجلي“.

وأضافت: ”عمالة أستغفر وأقرأ قرآن وأصلي بس مش طايقة أكلم حد ولا حد يكلمني، ومع كده حاسة بوحدة فظيعة، مفيش أي حاجة ليها طعم، باكل علشان ابني ياكل بس، ومفيش أي متعة ولا فرحة، بقالي كام يوم في حالة ربنا ما يحكمها على حد، حتى برنامجي وحلقة بكره مليش نفس خالص ومش طايقة شغلي، وكل ما حد يكلمني على ريفيو اعتذر، ولما جيت أصور رجلي اتلوت“.

وتابعت طالبة من المتابعين الدعاء لها: ”بيت يضرب يقلب لا عاوزة أنضف ولا أغسل ولا أطبخ ولا طايقة البيت، ولا عاوزة أخرج منه خالص من أوضتي تحديدا، وكأن بيتي أوضة واحدة، وبحضر للمعرض بتاعي والناس بتكلمني أعيط ومردش، أنا حتى رحت لماما وشكيتلها بس برضه مرتحتش، فيا إيه يارب، ادعولي بالله عليكم“.

2022-06-1-11