ريما الرحباني تحيي ذكرى رحيل والدها عاصي الرحباني على طريقتها الخاصة
ريما الرحباني تحيي ذكرى رحيل والدها عاصي الرحباني على طريقتها الخاصةريما الرحباني تحيي ذكرى رحيل والدها عاصي الرحباني على طريقتها الخاصة

ريما الرحباني تحيي ذكرى رحيل والدها عاصي الرحباني على طريقتها الخاصة

أعلنت المخرجة ريما الرحباني، ابنة الموسيقار الراحل عاصي الرحباني والسيدة فيروز، أنها ستحيي ذكرى رحيل والدها الذي يصادف الـ 21 من حزيران/يونيو الجاري، على طريقتها.

وأضافت ريما في رسالة لها دونتها عبر حسابها في فيسبوك أنها ستنشر مجموعة من الفيديوهات عن والدها الراحل، فكتبت: "بعد ظهر الخير كيفكن؟ انشالله تكونوا كلكن مليحين! من هلق ليوم 21 حزيران 2022 تاريخ الاحتفالية! رح نشوف سوى كل يوم فيديو عن والدي عاصي الرحباني.. هيك بتفوتوا بالجو أكتر! ويوم بعد يوم بجاوب على أسئلتكن وتساؤلاتكن بخصوص هالمناسبة ".

وتابعت ابنة عاصي الرحباني: "رح نبدا من الآخر وأكيد كلكن بتعرفوا إنو دايماً بالآخر في آخر في وقت فراق! هيدا النهار هوّي 21 حزيران 1968 يوم اللي عاصي الرحباني تأكّد اللي كان بيعرفو وسكن بقلوب كل اللي بيحبّوه وما عاد طلع منها! وان ك ريما عاصي الرحباني بدّي أكّدلكن إنّو السنة ب 21 حزيران رح تكون أحلى وأصدق وأبسط وأنبل احتفالية بمشاركتكن انتو ورح يسمعنا عاصي من فوق وتنرسم ع وجّو تلاميح الرضى ويضحك بأعلى صوت ويتطمن عاللي كمان مرّة كان بيعرفو من قبل ما يفل! إنو باقٍ ككوكب بعيد يلمَع في الصبح، كدخان يصعد.. يصعد.. وإنّو ورا كل صخرة.. تحت كل شجرة.. بفيّة كل بيت عم يخلق ولد ل عاصي!".

كما تحدثت ريما في رسالة أخرى: " اليوم عبكرا خطرتلي فكرة بعدما حطّيت البوست السابق بلّش حزيران وبعد في 21 يوم لذكرى عاصي حسّيت إنّو ليه هالمرّة ما منعمل إحتفالية كبيرة؟ وليه مش كل الفيروزيين العاصيين بيساهموا فيها؟ ذكرى عاصي لازم تكون بتشبه عاصي!".

ولفتت: "الفكرة إنو كل شخص حابب يساهم بهالإحتفالية يصوّر حالو بتلفونو الخاص عم يحكي بكلمة لا تتعدّى دقيقة كيف تعرّف على عاصي.. شو بيعنيلو عاصي.. شو علّمو عاصي.. شو بيحب يقلّو لعاصي.... بدقيقة وحدة فقط! المهم تكون عن عاصي ولعاصي! مش لفيروز 😏 إءْ! واكيد اكييييييييييييييييييد مش للرحابنة 😒 وأهم شي يكون حقيقي وصادق باللي بدّو يقولو! بلا شعارات وكليشيات وتبخير وعالميّة 😆 وفلسفة وتفلسف 😅 بالعكس مطلوب البساطة والصدق والعفويّة ☺️ شي بيشبه عاصي! 🥰

وبينت: "وبتحتفظوا بالفيديو لنهار الذكرى! نهارتا بفتح بوست خصوصي وكل شخص بيرفع الفيديو تبعو عليه! 😍 وهيك منكون كلنا سوى شاركنا بإحياء هالذكرى ☺️ ملاحظة مهمّة: اللي ما بيحب يتصوّر بيقدر يقول اللي بدّو يقولو ويصوّر أي شي خاص فيه او بيذكرو ب عاصي 😁".

وعاصي الرحباني، يعدّ مع أخيه عميد ومؤسس الظاهرة الفنية التي عُرفت باسم (الأَخوين رحباني)، وهو مؤلف موسيقي ومسرحي وشاعر، وهو زوج الفنانة نهاد حداد المشهورة بفيروز .

في الـ 26 من أيلول 1972 أصيب عاصي وبشكل مُفاجئٍ بنزيف حاد في الجهة اليسرى من دماغه، ونُقِل فورًا إلى المستشفى التي أشرف فيها فريق من الأطباء المخصصين على دراسة حالته، وقال الأطباء إن هذا النزيف عادةً ما تتسبّب به العواملُ الوراثية أو التدخين المُفرط أو العمل دون راحة.

أبلغ الأطباءُ السيّدة فيروز بخطورة وضعه الصحّي وضرورة إجراء جراحة دماغية عاجلة لإنقاذ حياته من الموت، مع الأخذ بعين الاعتبار سوداويّة الاحتمالات التي ربما تنتج عن الجراحة والتي هي إصابته بالعمى، الشلل، تلف الدماغ أو جميعها معًا.

وفي أوائل الثمانينيات أُدخِل عاصي إلى المستشفى لمرّاتٍ عديدة كان آخرها في العام 1986، حيث دخل في حالة غيبوبة دامت ستّة أشهر. تحدّث عاصي في أيامه الأخيرة عن الماورائيات، وخاطب كيانًا أسماه "الكبير"، وقال له: "افتحلي افتحلي، قتلني الصّفير، والبحر مالو صوت، دخيلك افتحلي..الكتابة الشعرية عذاب، التأليف الموسيقي عذاب، الحياة عذاب، الموت هو تاج الحياة".

Related Stories

No stories found.
logo
فوشيا
www.foochia.com