هند سعيد صالح تكشف تفاصيل جديدة عن مكالمة عادل إمام لها
مشاهير أخبار المشاهير
15 مايو 2022 12:36

هند سعيد صالح تكشف تفاصيل جديدة عن مكالمة عادل إمام لها

تحدثت هند سعيد صالح، ابنة الفنان المصري الراحل سعيد صالح، عن تفاصيل جديدة تتعلق بالمكالمة الهاتفية التي تلقتها من الفنان عادل إمام.

وقالت هند في تصريحات تلفزيونية إن المكالمة ليست مفاجئة بالنسبة لها عكس الكثير ممن تداولوا الموضوع، بل إن توقيت المكالمة هو المفاجئ بالنسبة لها، معلقة: ”فيه ناس كتير فهمت إن ده حدث بالنسبة ليا عظيم، ولكن عادل إمام في حياتي طول عمري“.

وكشفت ابنة سعيد صالح، أنها تشعر منذ فترة بشدة الاحتياج لوالدها، ”مستنية أشوف بابا في حلم، عاوزة بابا دلوقتي“، مشيرة إلى أن تلقيها مكالمة من الفنان عادل إمام في هذا التوقيت دون مناسبة وهذا كان سبب فرحتها.

وأوضحت: ”لما ألاقي مناسبة زي دي من غير مناسبة، فرحتي كانت إنها مكالمة من غير مناسبة من غير عيد أو ذكراه، مفيش مناسبة للمكالمة، حسيت إني بكلم بابا، سعيد صالح هو اللي كان بيكلمني مش عادل إمام“.

2022-05-552478_large

وبينت أنه تحدث من رقم تليفون زوجة ابنه رامي، وليس من رقمه الشخصي، ”أنا على اتصال بياسمين على طول فبرد على أساس إن صحبتي بتكلمني، والموضوع بعيد كل البعد عن حدث تاني هيحصل، قالتالي إنتي نايمة؟ فقولتلها لأ، راحت قالتلي خدي كلمي“.

وعلقت على رد فعلها عند سمعاها صوت الفنان عادل إمام، بالقول: ”قومت اتنفضت، سأل عليا وعلى جوزي وأولادي، وقالي عاوز أشوفك أنا قاعد في البيت ونفسي أشوفك، أنا فرحت بالمكالمة وكنت محتاجة طبطبة مش أي حاجة تانية، وبما أن بابا مش موجود فأنا حسيت إن ربنا ساعدني بمكالمة عادل إمام“.

وكانت هند سعيد صالح، قد أعربت عن سعادتها بالبالغة بعد تلقيها مكالمة هاتفية مفاجئة من الفنان عادل دون مناسبة ليطمئن عليها.

وكتبت هند سعيد صالح عبر حسابها بـ“فيسبوك“: ”من أحلى المكالمات اللي جات لي في حياتي فجأة ومن غير مناسبة، مكالمة من ريحة الحبايب، حسيت إن بابا اللي بيكلمني والله، الحمد لله إنك بخير وسمعت صوتك واتطمنت عليك“.

2022-05-133e20033cb34a81f5b52941ce3071cc

وتعتبر هذه المكالمة تأكيدا على صحة عادل إمام، بعد انتشار شائعات تحدثت عن تدهور حالته الصحية، وكذلك شائعات عن وفاته.