أحمد فلوكس يهاجم إلهام شاهين: لا تحترمين سنك.. ولم تعطِ اعتبارا لوالدك
مشاهير أخبار المشاهير
04 أبريل 2022 11:51

أحمد فلوكس يهاجم إلهام شاهين: لا تحترمين سنك.. ولم تعطِ اعتبارا لوالدك

avatar محمد جميل

شن الفنان المصري أحمد فلوكس هجوما على الممثلة إلهام شاهين، بعد أن أدلت الأخيرة بتصريحات تلفزيونية عنه، كان من بينها أن الإعلام أعطاه أهمية بشكل مبالغ فيه.

وقال فلوكس في مقطع مسجل، ورسالة مطولة، دونها عبر حسابه على ”إنستغرام“، مبديا استغرابه من تصريحات شاهين: ”بيدولي أكتر من حجمي.. هي كل حاجه عندك لازم الحجم الأول، ماشي.. هذا فيديو به الرد الأمثل على كل ما قلتيه وعلى شخصك ولسانك ليرى الناس بعينهم الحق من الباطل والمريض من السوي ومين يصعب على مين“.

وأضاف الفنان المصري: ”لما أكتر من حجمي.. وبعدين فتنة فنية.. هو اللي يقول على الملأ كنا بنبوس زمان وفين زمن البوس الجميل مش ده عايز التريند برده؟ وإيه اللي حصل للدنيا دي مش فتنة.. وتخلي شكلنا أمام الناس إن إحنا بقرون وبرخصة لا مؤاخذة“.

وتابع: ”طب انتي ولا محترمة سنك ولا محترمة مكانتك ولا محترمة حد، وده من الأول حتى والدك، إحنا ذنبنا إيه يطلع شكلنا كده.. وبعدين فتنة علشان محترم… وتريند إيه اللي هاركبوا… هو أنا اللي بقول تصريحات فاجرة خارج عاداتنا وتقاليدنا علشان ابقى تريند..! ده انتي حتي فرحي كنت هاتحتفلي بيه قال علشان تبقي نايبك من الحب جانب“.

وأوضح أحمد فلوكس: ”وبعدين أضواء إيه يا أستاذة، أنا طول عمري شغلي هو اللي بينورني مش الجيبة يا فندم، وبعد كل ده تقولي نفسيا وصعبان عليكي، أنا اللي صعبان عليكي بردوا، طب ووالدك مكنش صعبان عليكي وانتي مش عملاله اعتبار، وكل الفنانين بيصعبوا عليكي، على أساس إن حضرتك عالمة فلك أو عالمة فضاء وبنصعب عليكي“.

وسخر من تصريحها بأنها محامية الفنانين بالقول: ”نشكرك يا مدام إلهام، وبعدين محامي فنانين مين حضرتك ليه، على أساس إن مافيهاش رجالة فمستنيين ست هي الحامي لينا، على فكرة السيستم ده يمشي في البيت عند حضرتك لأنك كبيرة بيتكم وأخواتك، لكن عندنا لا ما تربتش على اللي بتقوليه ده، الراجل عندنا لا مواخذه راجل مابيستناش حاجة من ست، بل بيعزها ويكرمها، بعد كل ده بتقولي مش هارد هههه“.

واختتم رسالته قائلا: ”عموما أنا علشان سنك ومكانتك مش هارد، وأشكرك بالنسبة لتعبان من أي حاجه فعيب يا أستاذة هو كلامك كله كده تعبان، اكتر من حجمه، لا مش تعبان ياست الكل وحتى لو تعبان الحمد لله أنا ماعنديش حاجة تستخبى، واللي بيته من إزاز يعمل ايه؟“.

وكانت إلهام شاهين قد صرحت في برنامج ”العرافة“ الذي تقدمه الإعلامية بسمة وهبة: ”مقدرش أغلط في زميل حتى لو هو غلط“، مؤكدة أنها تدافع عن الفن وأهله، ولا تريد أن تحدث فتنة في الوسط.

وردت على تصريحات الفنان أحمد فلوكس عنها، قائلة: ”بتدوله أكتر من أهميته، ومش هرد على أي فنان يغلط“.

وحول سبب مهاجمة فلوكس لها، أوضحت أنه من الممكن أن يفعل ذلك ليكون ”ترند“؛ بسبب ابتعاده عن الأضواء ورغبته في لفت النظر إليه، مواصلة: ”معرفش اسأليه.. يمكن نفسيا مش مظبط وفيه حاجات مضايقاه“.

وتوجهت إلى الفنان أحمد فلوكس برسالة، قائلة: ”بقول له الله يكون في عونك وربنا معاك، وأنا عمري ما هكون ضدك“، لتستكمل: ”أنا بيصعب عليا الفنانين مبعرفش أرد عليهم.. وهو صعبان عليا، ولو تعبان من أي حاجة ربنا معاه“.