أحمد فلوكس لـ إلهام شاهين: أتمنى تجهزي رد لربنا عن القبلات لما تقابليه
مشاهير أخبار المشاهير
17 فبراير 2022 10:59

أحمد فلوكس لـ إلهام شاهين: أتمنى تجهزي رد لربنا عن القبلات لما تقابليه

avatar خلدون ضامر

كرر الفنان المصري أحمد فلوكس هجومه على الفنانة إلهام شاهين، بعد ردها على عدم اهتمامها باعتراضه على رأيها في مشاهد القبلات بالأفلام السينمائية.

وظهر فلوكس في بث مباشر عبر صفحته في فيسبوك: ”رسالتي كانت واضحة للأستاذة إلهام شاهين ويؤسفني ردها، هي كبيرة مقامًا، وأنا أحترم جدًا أنها مش هترد علي شخص مثلي، بس أتمنى تبقي مجهزة ردها لما تقابلي وجه كريم“.

كما استفزه تعليق أحد متابعيه عندما قال له إن إلهام شاهين خط أحمر، ليرد: ”خط أحمر بالنسبالك، أنا معنديش خطوط حمراء، الخط الأحمر الوحيد ليا ربنا وأبويا، فأنا بقول كلمة حق“.

وكانت إلهام شاهين، قد ردت على هجوم الفنان أحمد فلوكس عليها، بسبب تصريحاتها الأخيرة عن القبلات في الأفلام التي انتقدت خلالها من يرى أنها شيء مناف للأخلاق.

وقالت شاهين ردا على هجوم فلوكس: ”أنا أكبر من إني أرد على هذه الأمور التافهة، مينفعش أرد على أحمد فلوكس، أنا أكبر من إني أرد على أسلوب لا يليق من أي فنان، أنا ردي إن اللي مش مِحترم المهنة يسيبها“.

وأضافت: ”فيلم (حظر تجول) خدت بسببه 12 جائزة من مهرجان جمعية الفيلم، الله أعلم ظروفه إيه، بس الأسلوب يبيِّن إن في شيء تاعبُه“.

وتابعت: ”أنا بتكلم على القبلات اللي في الستينيات، اللي أبطالها سعاد حسني، فاتن حمامة، نادية لطفي، والفن ما ينفعش يقيم بمنظور أخلاقي وديني، وده دور بتعمله فنانة لازم نفصل بين الدور والشخصية الحقيقية“.

كان الفنان أحمد فلوكس قد شن هجوما على الفنانة إلهام شاهين، فنشر صورة لها، وعلق عليها عبر حسابه بموقع ”فيسبوك“، قائلا: ”بعيدا عن معزتك، ممكن أستأذنك ماتتكلميش تاني في الكلام ده، البوسة بنعتبرها حاليا منافية للآداب؟، أمال امتى يا فندم نعتبر الشيء منافي للآداب، لما نلاقي العيل نازل وبشهاداته كمان هنا يبقي سفالة مثلا“.

وأضاف: ”طب سيبك من ده كله، الدين إيه، الشاشه دي بتربي أجيال وبتشكل وجدان، مش بتربي وحوش وبتعمل أوضاع على كده، بقى إحنا نعتبر الأفلام المخلة، أفلام تثقيفية تعليمية إرشادية الغرض منها التعليم والتمرين وإنها أفلام هادفة“.

2022-02-falwkas-1024x1024