أحمد فلوكس يهدد المسيئين لوالده: اللي هلمحه همرجحه
مشاهير أخبار المشاهير
15 فبراير 2022 11:12

أحمد فلوكس يهدد المسيئين لوالده: اللي هلمحه همرجحه

avatar سعد يوسف

خرج الفنان المصري، أحمد فلوكس، عن صمته بعد الضجة التي أحدثتها تصريحات والده فاروق فلوكس على مواقع التواصل الاجتماعي، حول عدم اعتماده على مهنة التمثيل كمصدر دخل أساسي، مهددًا المسيئين لوالده.

وقال فلوكس في فيديو نشره على إنستغرام: ”والدي ربنا يديله الصحة لما كان مع الإعلامية لميس الحديدي بيشرح أنه عايش على معاشه كمهندس وإنه لو كان معتمد على الفن كان زمانه بيشحت، رسالة واضحة أن الفن شيء لا يعتمد عليه“.

وأضاف: ”ييجي مجموعة من المضللين الكدابين، وعاملين مانشتات تخلي اللي يقرأ يحس إن فاروق فلوكس قاعد بالعصاية وامام الباب بيشحت، وإن ابنه رميه، طبعا أنا بدي عذر لأن الحقيقة إن 90% من الناس اللي بتكتب مش خريجي صحافة“.

وتابع: ”هم ميعرفوش أساسا التعبيرات اللغوية معناها إي ودا طبيعي، وبيجري ورا التريند، زيه زي اللي بيجري ورا جيبة عريانة مش عارف هيلاقي إي تحت الجيبة، وطبعا النتيجة نزل على أغلب المواقع إنه مش لاقي ياكل وابنه رميه“.

وأوضح أحمد فلوكس أن تلك المعلومات ليست صحيحة، موضحا: ”الموضوع مكنش كدا، والدي قدم رسالة إنه لولا شهادة الهندسة وامتهانه تلك المهنة، كان امتهانه لمهنة التمثيل هيتبهدل فيها“.

وتابع: ”وخلال الحوار أيضا والدي قال إنه لسانه مبيعرفش يسكت عن الحق، فقام الناس في الإعلام اللي مش عارف الحقيقة هم خريجين إعلام أزاي مانا خريج إعلام، مشوفتش اللي بيقولوه دا، طلعوا قالوا لساني متبري مني“.

وهددهم أحمد فلوكس أولئك بالقول: ”اللي هلمحه همرجحه اتقوا الله إحنا أسرة محترمة“.

وكان الفنان فاروق فلوكس قال عند ظهوره في برنامج ”كلمة أخيرة“ الذي تقدمه الإعلامية لميس الحديدي على شاشة ON: ”أنا راجل قدري، وأؤمن بقدر الله، ولو لقيت دلوقتى دور مناسب ليا هعمله“.

وأوضح ”أن الجيل القديم ممكن يفيد الجيل الجديد“، وأضاف: ”رغم أنى قاعد بقالي خمس سنوات فى البيت بس زعلان وأنا مش غنى وعايش على معاشي بتاع الهندسة ومن غيره كنت هبقى لايص وعايش بحب الناس وتقديرهم لي“.

وتابع فاروق فلوكس: ”أنا مش بقول كده نوع من الشكوى“، فالفنان الكبير حمزة الشيمي قبل وفاته قال لي إحنا بقينا خردة وتكريمي كان لجيلي كله، فأنا اشتغلت مع كبار الناس ومنهم الريحاني والمهندس والست عقيلة راتب“.