غضب بعد نقل حمو بيكا للمستشفى عقب لقاء تلفزيوني.. شكرا للتنمر والشماتة
مشاهير أخبار المشاهير
12 فبراير 2022 13:05

غضب بعد نقل حمو بيكا للمستشفى عقب لقاء تلفزيوني.. شكرا للتنمر والشماتة

avatar خلدون ضامر

استشاط أدمن صفحة مؤدي المهرجانات المصري، حمو بيكا، على فيسبوك، غضبًا بعد تعرض الأخير لوعكة صحية استدعت نقله إلى المستشفى وخضع لرسم قلب للاطمئنان على حالته الصحية بعدما تحدث حمو بيكا عن أزمته مع نقابة المهن الموسيقية برئاسة الفنان هاني شاكر.

ونشر الآدمن صورًا لبيكا من المستشفى، وكتب ”بجد شكراً جداً للناس اللي بتتنمر والناس اللي شمتانه والناس اللي فرحانه في المرض.. بدل ما تدعو لحمو دعوه كويسه وتتمنوله يقوم بالسلامة، بتتنمرو عليه وشمتانين فيه“.

2022-02-screenshot-web.facebook.com-2022.02.12-14_57_55 2022-02-273858332_5127771697242932_8336319998242468845_n

وأضاف: ”بجد عمرنا مهنرتقي أبداً ولا هننضف ولا نعرف نتمني الخير للناس ابداً، الحقد والغل والغيره بقو مسيطرين علي البشر بطريقة غريبه.. حسبي الله ونعم الوكيل في كل واحد بيعمل كدة بجد“.

وكان حمو بيكا قد أدلى بالعديد من التصريحات عن أزمته مع نقابة المهن الموسيقية، قائلا ”إن امتحانات النقابة لا تُجرى بما يُرضي الله، كل واحد عنده سلطة بيتحكم في البشر ميعرفوش أن فيه ربنا“.

2022-02-273674000_5127149287305173_2780868439241802770_n-1110x564-1

وأضاف: ”ناس مزورة ورقها وواخدين الكارنيه، لو النقابة مش معترفة بيا فنيًا أنا مش معترف بيهم، أنا خلاص أخدت إجراءاتي القانونية، رفعت قضية على النقابة كلها ومش قضية صغيرة، ولو مكسبتهاش على الأقل أكون وصلت صوتي“.

وتابع: ”أنا مستعد اعتزل دلوقتي ومش عايز أدخل امتحانات النقابة تاني، حرام عليكوا أنا هموت كفاية ظلم هطلع اصرخ في الشارع، أنا ماضي على مادة في الدستور بتقول حرية الرأي والتعبير والنشر فملكش أنك تمنعني، صنفني راب صنفني أي حاجة بس متقوليش أخرج من مصر أنا مصري، أنا عايز أدخل النقابة بجمهوري مش بصوتي.

بدوره، كشف مؤدي المهرجانات حسن شاكوش، الموقوف عن الغناء أيضًا، خلال الحلقة التي شارك بها حمو بيكا أن والدته مصابة بمرض السرطان، مؤكدا أنه لم يكن يريد أن يخبر بذلك أحدا حتى لا يتم اتهامه بالمتاجرة بمرض والدته من أجل استعطاف الناس والمسؤولين للسماح له بالغناء.

وقال شاكوش”والدتي مصابة بالسرطان ومكنتش عايز أقول علشان محدش يفتكر إني بتاجر بمرضها، وحزينة عليا من بعد أزمتي الأخيرة ومنعي من الغناء“.

وأضاف ”أنا زعلان عشانها هي، عشان أي حاجة بتحصل بتتضايق، وهي أصلا مريضة، ومينفعش أتكلم في الكلام ده“.

وتحدث شاكوش كذلك عن سبب عدم تصالح حمو بيكا وعمر كمال، حتى الآن، مؤكدا أن ذلك يعود إلى ضغط العمل خارج البلاد؛ إذ قال ”ضغط الشغل وسفرنا بره كتير، ومكنش فيه وقت نتجمع، ولما سافر معانا السعودية كانوا بيتكلموا عادي“.