تعيش شمس ابنة المخرج السوري بسام الملا حالة من الصدمة برحيل والدها في بيروت، السبت، عن عمر 66 عامًا، وودعته برسالة مؤثرة، استذكرت فيها لحظاتها معه في مناسبات عديدة.
وقالت شمس إن والدها الراحل كان وما يزال أول وآخر عشقها، وحبها الأبدي، مشيرة إلى أنها كانت تتألم لوجعه، وكانت تدعو الله في كل صبيحة نهار أن يمد في عمره.
وكتبت ابنة "آغا الشام" كما لقبه الوسط الفني السوري: "يا أول وآخر عشق بالروح يا حبي الأبدي عم بسأل حالي يا ترا كنت بتعرف اديش بحبك قبل ما تروح؟ كنت بتعرف أني موجوعة على وجعك و ما بيمرق نهار عليي بدون ما ادعي الله أنه ياخود من عمري و يعطيك و ياخود من صحتي و يعطيك؟".
وأضافت: "بتتذكر لما آخر مرة شفتك كم مرة قلتلك بحبك؟ كم مرة بوست ايديك؟ كأنه كنت حاسة هي آخر مرة بشوفك فيها بس اليوم حاسة أنه ما بيكفي أنه ما شبعت أنه لو قد ما قلتلي حلي عني ما بدي حل عنك طيب كيف برجع بالزمن لورا هلأ كيف؟ ما في شي عم يبرد قلبي يا بابا خسارتي كبيرة كتير وما بتتعوض رحت وتركت مكانك فراغ ما حدا بالعالم بيملي"،
ووثقت شمس الملا فيديوهات تجمعها بوالدها في فترة طفولتها وأثناء غنائه معها، فيما تعاطف معها جمهورها، وواسوها بكلماتهم، موجهين دعوات المرحمة والمغفرة لوالدها.