سمية الخشاب سعيدة بعد تنفيذ ندى كامل نصائحها للانفصال عن الفيشاوي
مشاهير أخبار المشاهير
02 يناير 2022 17:05

سمية الخشاب سعيدة بعد تنفيذ ندى كامل نصائحها للانفصال عن الفيشاوي

avatar مصطفى الحاج

أعلنت الفنانة المصرية سمية الخشاب أنها قدمت العديد من النصائح، لندى الكامل، طليقة الفنان أحمد الفيشاوي بسبب وجود مشاحنات بين الطرفين أثناء مهرجان الجونة.

وقالت الخشاب: ”ندى الكامل طيوبة جداً ولذيذة، شفنا بعض في الجونة، تقابلنا قبل كده، وتعرفنا على بعض وهي شخصية لطيفة، وأنا كنت خايفة عليها في مرحلة معينة، وكان في مشاحنات خفيفة بينها وبين أحمد في مهرجان الجونة اللي فات، وأنا تدخلت“.

وعبرت النجمة المصرية عن سعادتها أن ندى الكامل، استمعت لنصائحها، وقالت: ”أنا قولتلها شوية نصايح ومبسوطة إنها سمعتها، ولما انفصلت انفصلت بطريقة راقية جدًا، وكتبت بوست راقي، انه فيه احترام متبادل وخدت حقوقها، وأنا مبسوطة إنها هي وصلت للحاجة اللي هي كانت عايزة تعملها“.

وأكدت سمية الخشاب، خلال لقائها ببرنامج ”آخر كلام“ أن نصائحها لندى الكامل، لا تنفي محبتها واحترامها لزميلها الفنان أحمد الفيشاوي، وقالت: ”حلو انه الناس أول ما يحسوا إنهم مش قادرين يتوافقوا، ويكملوا الحياة مع بعض، يبقوا أصحاب“.

وعلقت الخشاب على تغريدتها السابقة التي رفضت من خلالها مفهوم التسامح بعد ”الخيانة“، وقالت: ”مينفعش أبقى ست قاعدة في البيت نايمة على ودانها، وهو بيعرف وحدة تانية، أو تدخل تقفشه مع وحدة، وتبقى مخدوعة، في ظل عطاءها الكبير لزوجها“.

وتابعت الفنانة المصرية: ”لو حصل خيانة، تمشي، تكمل ليه؟ تبقى عايزة تتخان لو بقيت، ومفيش حاجة اسمها تقصير منها وتخون، في حاجة اسمها انفصال بالمعروف“.

من جانب آخر، كشفت الفنانة سمية الخشاب، أنها تستخدم الفيلر والبوتكس، ووصفتهما بأنهما ”شر لا بد منه“، وقالت: ”لو وشك محتاج وحاسة عندك خطوط جنب عينك مضايقينك اعملي، ولكن بلاش يبقي عمال على بطال، أنا بعمل ولكن مش كل شوية، يعني كل سنة ونصف، ومش بيروح من عندي بسهولة“.

وقدمت الفنانة المصرية نصائح لمتابعيها، بضرورة استخدام الماسكات الطبيعية، مع الالتزام بالضحك بشكل دائم، وقالت: ”اضحكوا حتى لو بالكدب، ولو جوزك مطهقك ومضايقك قومي الصبح اضحكي، والعقل الباطن عبيط وبيصدق أي حاجة، وأنا بعمل كدة“.