شيرين عبد الوهاب تكشف عن مواهب ابنتيها.. ومريم وهنا تفتحان قلبيهما
مشاهير أخبار المشاهير
01 يناير 2022 7:41

شيرين عبد الوهاب تكشف عن مواهب ابنتيها.. ومريم وهنا تفتحان قلبيهما

avatar سعد يوسف

أطلّت الفنانة المصرية شيرين عبد الوهاب، وابنتاها مريم وهنا، على الجمهور في ليلة رأس السنة، عبر برنامج ”صاحبة السعادة“ الذي تقدمه إسعاد يونس على قناة DMC.

وخلال الحلقة، تحدثت شيرين عن مواهب ابنتيها، مشيرة إلى أن مريم رسامة ماهرة، ولديها مواهب مميزة، وقالت ”وأنا حامل فيها كنت بلون كتير، وباكل حلويات كتير، فهي طالعة بتحب الرسم وبتحب أكل الحلو جدا“.

وأضافت ”أما هنا فبتقول مواعظ أحيانًا، ممكن تكلميها في حاجة تخصك تلاقيها قالت جملة تعيشي بيها عمرك كله“.

وأشارت إلى أنها عندما أعلنت اعتزالها، ترددت في حضور حفلة مدرسية لابنتيها، حتى لا يسألها الحضور عن سبب الاعتزال، لكن ”هنا“ طلبت منها أن تذهب ولا تتوقع حدوث الأمور السيئة.

وقالت ”لما قلتلها مخاوفي قالت لي مامي ممكن تيجي تقعدي فوق ومحدش هيشوفك، لكن هتقعدي تفكري في حاجات وحشة هتحصل هتلاقيها حصلت، استني لما اللحظة دي تيجي، بلاش تتوقعي الأسوأ“.

في المقابل، كشفت مريم وهنا، أبرز الصفات الإيجابية والسلبية التي توجد في شخصية والدتهما، وطريقة تعاملها معهن في المنزل.

وقالت مريم، إن والدتها طيبة للغاية وتحب جمهورها بشدة، مضيفة ”في تربيتها لينا هي بتدلع جامد، بس لو عملنا حاجة معجبتهاش بتزعق ساعات، بتخاصمني، وبصالحها.. كمان هي كريمة جدا“.

أما هنا، فأكدت أن والدتها ذات شخصية قوية، ولديها ثقة كبيرة في نفسها، وجمالها حقيقي وليس مُزيفا، سواء في شكلها أو شخصيتها.

وقالت ”بتحب النضافة جدا، بس أنا مش كده، لو دخلتي أوضتي مش هتعرفي فين الأرض من كتر الحاجات الموجودة“.

كذلك، تحدثت شيرين عن موقفها من رد فعل ابنتيها بعد ظهورها أمامهما دون شعر لأول مرة .

وقالت ”أول حاجة كنت خايفة منها قبل ما اطلع هي البنات وإنهم يتعقدوا ويقولوا إيه ده.. بس طلعوا عيال مكحرتين وبيفهموا ويقدّروا وأكيد مش هيقلدوا ومش عايزين حد يقلد ده“.

وعن رد فعل الجمهور، قالت “ ”بقيت أبص في عيون الناس مشوفتش حاجة هما منبهرين بيها غيري أنا، مش بشكلي، بسّطوا الموقف عليّ أوي“.