غادة عادل لطليقها مجدي الهواري: أنا متجوزة 4 من بعدك
غادة عادل لطليقها مجدي الهواري: أنا متجوزة 4 من بعدكغادة عادل لطليقها مجدي الهواري: أنا متجوزة 4 من بعدك

غادة عادل لطليقها مجدي الهواري: أنا متجوزة 4 من بعدك

رد المخرج والمنتج المصري مجدي الهواري على سؤال لطليقته الفنانة غادة عادل حول عدم زواجه لغاية الآن بعد مرور خمس سنوات على طلاقهما.
وسألت غادة طليقها في برنامج "بصراحة مع": "متجوزتش ليه بعد طلاقنا؟"، ليرد الهواري: "هو أنا مجنون. أنا عندي شروط في الجواز التاني بعد ما الواحد كبر وبقى عنده خبرة. هل الزوجة التانية هتتقبل إني لسه بحبك؟ إنت لو مش غالية عندي وأم أولادي مش هقول الشرط ده للست اللي عايز أتجوزها."
كما سألت غادة عادل زوجها السابق "تتضايق لو اتجوزت؟" ليجيب "إنت حرة"، وهو ما عقبت عليه بقولها: "ولادك مش راضيين، أنا متجوزة أربعة من بعدك".
كما تضمنت المواجهة بين الثنائي العديد من التصريحات والتفاصيل المتعلقة بحياتهما، حيث أكدت غادة عادل أن الطلاق أفادها وكذلك زوجها وأولادهما، وبقيت بينهما علاقة احترام متبادل.
وأوضحت غادة أنها ليست راضية عن عدد من الأفلام التي قدمتها مع مجدي الهواري، وسألت الأخير عن رأيه في الأفلام التي تقدمها حاليا.
من جهته أكد الهواري أن "الأفلام اللي تقوم بها غادة في الفترة الأخيرة تهزم بها نفسها وتاريخ قامت به معه"، ووصف عمله معها بأنه كان ضمن الإطار الصحيح في ذلك الوقت.
وعقب مجدي الهواري: "أنا حسيت إن لما جيتي مصر كنت مش فاهمة الحياة، فخدت على عاتقي أفهمك كل حاجة والصح من الغلط، يمكن كان كتير لكن عذري الوحيد إني كنت خايف عليكي".
لتعود غادة وتعلق: "أنت يا مجدي عملت حاجة واحدة إنك كنت مؤمن بيّا، بس كان عندك مشكلة إنك تحدد الأعمال حسب ارتياحك النفسي بسبب حبك وغيرتك عليا، خلتني مش عارفة أطلع اللي جوايا أنت كنت بتكتم جوايا الجرأة".
فرد الهواري:"من وجهه نظري مش بيليق عليكي أي دور ولو علمتي دور بره الصندوق زي ما عملتي فيلم "شقة مصر الجديدة" وكنتى هترفضيه، ومحمد خان الله يرحمه قالي مش شايف غيرها وكنت رايحة تعتذري وأنا أقنعتك وخدتي كل جوائز الدنيا في الفيلم".
وفي سياق آخر في الحلقة ذاتها، ذكرت غادة عادل، أنها تعطي الحرية لأولادها بسبب الطريقة التي نشأت بها في بيت أهلها، وأيضا طبيعة العلاقة بينها وبين الهواري خلال فترة زواجهما.
وقالت غادة عادل لطليقها: "إنت شايفني بعمل إيه مع الولاد؟ إديتهم حرية مطلقة. بحس إن الكبت والحماية الزايدة مش بتساعد البني آدم يعرف يتصرف في حياته. مش عايزاهم يعيشوا زيي، أبويا كان قافل عليا ومجدي كان قافل عليا."
ووجهت الفنانة تساؤلا للهواري: "شايف شخصيتي الأول أحسن ولا دلوقتي أحسن؟" وعقبت على رده قائلة: "ليه معرفتش الحياة وأنا معاك؟ كان ممكن تجربني في الحياة، إزاي هتعامل وأواجه الناس وأتعامل في شغلي."
وأضافت: "إنت كنت فعلا بتعاملني كإني مريم بنتك، وأنا عشت كده عند أهلي، عايزة أعيش ست عندي شخصيتي وحياتي وصحابي."
فرد المخرج المصري أنهما تزوجا في سن صغيرة قائلا: "إحنا إتجوزنا صغيرين جدا في عمر ولادنا دلوقتي. وأنا دلوقتي أنصح ابني من خبرتي ميتجوزش صغير".
وأضاف: "مش معنى كده إن جوازنا منجحش. دي قصة حب وزواج ناجحة جدا، بدليل إننا قعدنا 20 سنة وأنتجنا من العلاقة دي أطفال".

Related Stories

No stories found.
logo
فوشيا
www.foochia.com