مشادة كلامية بين محمود الليثي ومريم سيف.. ما سببها؟
مشادة كلامية بين محمود الليثي ومريم سيف.. ما سببها؟مشادة كلامية بين محمود الليثي ومريم سيف.. ما سببها؟

مشادة كلامية بين محمود الليثي ومريم سيف.. ما سببها؟

نشبت مشادة كلامية بين الممثل المصري محمود الليثي، ومدونة الموضة والجمال المصرية مريم سيف، خلال الساعات الماضية عبر صفحاتهما الرسمية على "إنستغرام"، وذلك بسبب منشور للأول قال فيه، إن مشاهير مواقع التواصل الاجتماعي لا يمتلكون مهنة حقيقية، بعد تعطل بعض المنصات حول العالم مساء الإثنين.
وقد نشر محمود الليثي تدوينة عبر حسابه على "فيسبوك"، قال فيها: "لما نقول الانفلوانسر مش شغلانه تسمعوا الكلام".


الأمر الذي دفع مريم سيف، لإعادة نشر ما كتبه الليثي في تدوينته، عبر حسابها الرسمي على "إنستغرام" وكتبت: "معلش يا أستاذ محمود الفاضل وإنت كنت إيه لما طلعت واللي شهرك اليوتيوب وبعدها بقيت ممثل؟.. وبعدين متنساش إن الممثلين دلوقتي لما بينطفوا مرة مبيرجعوش تاني وأنت شغلانتك إيه؟ مش قدام الكاميرا زينا ولا إيه؟ ولو الكهربا قطعت بتنطفو أنتو كمان ولا إيه النظام؟".
وأضافت مدونة الموضة المصرية: "قالك أنفلونسر مش شغلانة ع الأقل احنا لينا نفع عنكم والله.. طب خلي ممثل كبير يتكلم طيب يا جدع مش كده.. أنا قولت محمود حميدة بيتكلم مثلاً اتخضيت لما لقيته محمود الليثي".


ولم يكن هذا التعليق الوحيد، فقد أعادت مريم سيف نشر إحدى الرسائل تعليقًا على ما قالته: "نسي لما كان بيطلع يقول مكنتش بلاقي الـ 10 جنيه في جيبي وبركب رجلي علشان معيش حق المترو وغيره وغيره"، وعلقت المدونة المصرية على كلام المتابعة: "بالظبط مش معنى إن ربنا كرمك تقلل من أي حد وتقول كده وأنت شغلانتك مش شغلانة ممكن تتوقف في أي لحظة، ما كل واحد يخليه في حاله أحلى له محدش ملاك قرف بجد".


من جهته، علق محمود الليثي على ما قالته مريم سيف، وكتب عبر خاصية الـ"ستوري": "بصي يا أستاذة ياللي مش عارفك أولًا أنا مغلطش فيكي لشخصك وأنت غلطي فيا.. ثانيًا أنا ليا أصحاب كتير أنفلونسر وأشهر منك بمراحل أخدوا الموضوع بهزار عادي دا لأن فعلًا دي مش شغلانتهم الأساسية.. ثالثًا لو انتي شايفة إن الممثل مش بينفع الناس وأنت بتنفعيهم فدا قلة فهم منك ودا مش هلومك عليه عشان دي حاجات مينفعش نشتريها.. بنتولد بيها".
وتابع الليثي في تعليقه: "رابعاً كونك تقول دا مكنش معاه 10 جنيه يركب مترو وتتريقي على دا.. فدا مصدر فخر ليا إني كنت أمل لشباب كتير إنهم يبدأوا من الصفر وينجحوا.. ورحلة كفاح انبسط إن الناس تعرفها.. خامساً الفن دا مهنة زيه زي الطب والهندسة ولو حضرتك بتقرأي في التاريخ هتعرفي إنه موجود من يوم ما اتوجدت الحضارة وغير شعوب، عمل ثورات مش مرتبط بالكهرباء زي ما بتقولي".
واختتم الممثل المصري تعليقه: "لو الأستاذ محمود حميدة شاف كلامك دا كان هيخليكي تعتذري للفن والفنانين كلهم اللي بتقللي من دورهم وكان هيفهمك ازاي تتكلمي بأسلوب راقي عن كدا".

Related Stories

No stories found.
logo
فوشيا
www.foochia.com