حمو بيكا: بدأت بأغان تحمل ألفاظا خارجة.. وشاكوش "غير أصيل"
مشاهير أخبار
19 سبتمبر 2021 9:37

حمو بيكا: بدأت بأغان تحمل ألفاظا خارجة.. وشاكوش "غير أصيل"

avatar خلدون ضامر

كشف مؤدي المهرجانات حمو بيكا، بأنه تعرض لظلم كبير في الفترة الماضية، من قبل أحد الأشخاص الذي له نفوذ وسلطة، ويتحكم به.

وعلق بيكا في تصريحات تلفزيونية قائلا: ”اتظلمت كتير، لما ربنا يرزقني ويجي شخص يشيل اللقمة اللي ربنا بعتهالي، وأنا مش لوحدي وفاتح بيوت ناس كتير ورا مني بتاكل عيش“.

وتابع: ”هو معاه سلطة وبيتحكم فيا لكن أنا معايا أقوى من السلطة، أنا معايا ربنا، بيجوا عليا وعلى لقمة عيشي، بلدنا فيها حرية وتعبير عن الرأي، وأنا بعبر عن رأيي بالغنا، أنت مش حاببني مش حابب تسمعني ده رأيك أنت بس، أنا ليا جمهوري، وملايين بيسمعوني“.

كما تحدث حمو بيكا: ”إزاي أنا راكب عربيه ولابس ذهب؟، أنت بتمنع لقمتي، فكرة أنه يقدر يشيل لقمتي، النملة في جحرها بتأكل وتشرب والقطة بتأكل في جحرها“.

وأعلن حمو بيكا خلال لقائه عن ندمه في بداياته بإقامة مهرجانات تحمل ألفاظا خارجة قائلا: ”بعترف أني غنيت كلام خارج وبنصح أي حد ميغنيش الكلام ده“.

وكشف بيكا عن رأيه في الأزمة الشهيرة التي اندلعت بين زميليه حسن شاكوش ورضا البحراوي، في الساحل الشمالي، الشهر الماضي، وتسببت في اتخاذ نقابة المهن الموسيقية برئاسة الفنان هاني شاكر، قرارا بسحب ترخيص الغناء من ”شاكوش“ لأجل غير مسمى، وإيقاف ”البحراوي“ عن الغناء لمدة شهرين.

وقال بيكا إن حسن شاكوش أخطأ في حق رضا البحراوي، مضيفا ”مينفعش يبقى ليك ميعاد وتتأخرعليه فتيجي تطلع في ميعاد غيرك وحتى لو هتعمل كده لازم تستأذن الأول“، مضيفا أن حسن شاكوش أنزل 40 فردا من فرقة البحراوي وقال لهم: ”انزلوا تحت“، ولكن أحد أفراد الفرقة قال له عقب انتهائه من وصلته الغنائية: ”ادعي لحمو بيكا“.

ووصف بيكا، حسن شاكوش، بأنه شخص ”غير أصيل“، لأنه كان سببا قويا فيما وصل إليه حاليا، بحسب قوله، مدللا على كلامه: ”أنا اللي أنتجت أغاني حسن شاكوش، ولكن مش أنا اللي عملته، أنا كنت سبب كبير مش أكتر“.

وطالبت الإعلامية أميرة بدر، من حمو بيكا بتوجيه نصيحة إلى حسن شاكوش، فقال: ”بص للناس وأنت طالع علشان الناس تسلم عليك وأنت نازل“.