حمو بيكا يهاجم عمر كمال.. ويؤكد: أنا عامل تحدي بيني وبينك
حمو بيكا يهاجم عمر كمال.. ويؤكد: أنا عامل تحدي بيني وبينكحمو بيكا يهاجم عمر كمال.. ويؤكد: أنا عامل تحدي بيني وبينك

حمو بيكا يهاجم عمر كمال.. ويؤكد: أنا عامل تحدي بيني وبينك

هاجم مطرب المهرجات حمو بيكا، زميله عمر كمال، قائلًا: "أنت نفسك بيقطع وأنت بتغني.. وبتنزل الأوردرات تغني أغاني مش بتاعتك".

وقال بيكا، في مقطع فيديو، نشره عبر صفحته على "فيسبوك"، قائلًا: "أنا عامل تحدي بيني وبينك.. كل واحد يعمل تراك لوحده.. والجمهور ييجي يتفرج عليك وإنت واقف بتسجل.. ويشوف نفسك بيتقطع إزاي.. وبعدين إنت معندكش رصيد غنائي عشان كدة بتغني أغاني خليجي.. لكن أنا ممكن أقعد 3 أيام على المسرح أغني الأغاني بتاعتي أنا بس.. عمري ما في حياتي أغني أغنية مش بتاعتي عشان منظري".

ولفت إلى الفيديوهات الساخرة التي كان يُقدمها بصحبة عمر كمال، قائلًا: "كنت بتيجي تعمل فيديوهات معايا، رغم إنها كانت بتضرني، وبتصور الفيديوهات دي لما بتلاقي نفسك واقع مهبط في السوق تقوم تيجي لي عشان تتشاف، لكن ده انتهى.. بان لنفسك .. اطلع غني لوحدك".

وأضاف: "خلاص سيبت لك الغناء.. نفسي الناس تشوفك وأنت واقف قدام المايك بتسجل أغنية، توبة إني أغني مع شخصية زيك.. ولا أعمل معاك حاجة تاني.. طالما بتقول عليا مبعرفش أغني.. أومال أنت جيت لي ليه في الأول خالص.. واستقبلتك وضايفتك وأول تراك عملته معاك نجح.. وكنت كل ما تقعد معايا تقولي أنت يافطة المهرجان.. أنت كنت بتشتغلني مثلًا!!.. طالع دلوقتي قدام الناس تقول حمو مش بيعرف يغني!!".

من جهته، أكد عمر كمال أنه لم يقصد الإساءة لمؤدي المهرجانات حمو بيكا، خلال حواره التليفزيوني، بعدما صرح بأن الأخير لا يجيد العناء، موضحًا في فيديو له عبر صفحته الرسمية على موقع "فيسبوك"، قائلًا: "أنا ماغلطتش في حد.. أنا أقصد إنك مش بتعرف تغني يعني مقامات وسلم موسیقي انت بتأدي حاجة معينة".

وقال، إنّ هناك أعضاء بنقابة المهن الموسيقية لا يحيدون الغناء، مثل أعضاء شعبة الدي جي، والراب، والمونولوج، موضحًا أنّ "مش كل الناس بتتصنف مطربين.. وأنا طول عمري محترم مش بعمل مشاكل".

 

Related Stories

No stories found.
logo
فوشيا
www.foochia.com