قمر تستشيط غضبا وترد برسالة "نارية" بعد الهجوم على حملها
مشاهير أخبار
14 يوليو 2021 11:49

قمر تستشيط غضبا وترد برسالة "نارية" بعد الهجوم على حملها

avatar خلدون ضامر

وجهت الفنانة اللبنانية قمر رسالة، عبرت فيها عن غضبها الشديد من الهجوم الذي تعرضت له بعد إعلان حملها في التاسع من شهر مايو/ أيار الماضي.

وكان الجمهور قد تفاجأ بإعلان قمر عن حملها، معتقدين بأنها ليست مرتبطة، لكن تبين وفق المعلومات أنها متزوجة رجل أعمال لبناني يعيش في الخارج، وهي حامل في الشهر الخامس حاليًا.

وقالت قمر في رسالتها المطولة التي نشرتها عبر الستوري على إنستغرام: ”السوشال ميديا سلاح ذو حدين، ولا مرة قررت أبخل على محبيني بأي معلومة بتخصني وتحديدًا جمهوري يللي داعمني من أول يوم، بس آخر فترة صار في قصص كتيرة ما قادرة اسكت عنها وهي التعدي على خصوصياتي (أغلبية العرب صايرين يحللوا ويحرموا مثل ما بدهم، واسئلة غريبة بتوصلني عن حياتي)“.

وأضافت: ”إلكن حق تنتقدوا فني وشغلي بس مش حياتي الخاصة يللي طول عمرها خط أحمر! طالما بنوصف نفسنا بالبلدان المتحضرة والمتطورة مثل البلدان الاجنبية يا ريت منطور أخلاقنا كمان! تخلف وشر وحقد وخبث وأمراض، بشوفن بتعليقات كتار من أول يوم أعلنت فيه حبلي“.

وتابعت:“ حابين تعرفوا مين بي الطفل ومن مين حامل إذا هالقد منهارين؟ حامل من روح القدس حدا إلو معي؟؟ شاطرين بس تشاوروا على امرأة حامل بس لما الرجال يمارس علاقة مع رجال عادي برأيكم؟ حلال مش حرام“.

وواصلت حديثها: ”لما نحنا الشعب العربي منقتل بعضنا ومنحرق اطفالنا ومنعيش محرومين من حقوقهم ومنقتل أحلامهم وبتقضي على مستقبلهم هل شي محلل تففففه، انتو كائنات كلها شر ونفاق“.

وطالبت الجمهور باحترام الخصوصية، فقالت: ”روحوا تعلموا من بلاد الغرب احترام الخصوصية وحافظوا على حقوق الطفل وحقوق المرأة، وتركوا العالم بحالها، وإذا أنا بدي أحكي شي عن خصوصياتي بكون بإرادتي“.

وأوضحت:“اليوم أي مخلوق بيتواجد بالحياة هوي بإرادة ربنا! مين انتوا لتحكوا عن نعمة روح الله أراد خلقها بالحياة!!!؟ أو تحرموا أو تحللوا خلق الله، انتو مخلوقات بشرية من أكتر؟ متحجبين بالدين وعاملين حالكم متمسكين بالعقلية الشرقية وانتو أكبر منافقين وكذابين“.

ولفتت قمر:“أنا ما عندي مشكلة كون single mother انا مع كل امرأة تكون single mother، إذا كان الرجال وسخ ومش رجال ليكون قد المسؤولية امرأة وأطفال، بدي قول لكل امرأة كوني قوية وتمسكي بي أطفالك وارفعي راسك، وما تخجلي من حالك انت القوة يلي لازم يخجل هوي الرجل يلي الله خلقو رجل ليكون سند للمرأة مش يكون شكل رجال ومفعول مرا!“.

واختتمت رسالتها:“بدي قول لكل امرأة ما تخلت عن ولادها وكانت الام والاب بنفس الوقت وشايلة مسؤولية كبيرة على اكتافها ”انت قوية وبكل فخر“.

يذكر أن قمر ظهرت في شهر مايو/أيار الماضي عبر مقطع فيديو قصير بملابس ضيقة أظهر بطنها منتفخًا، فيما لم تصرح بأي شيء وقتها، وتم نشر صورة لها من الفيديو عبر العديد من الصفحات الفنية المهتمة بالمشاهير على إنستغرام، موجهين لها التهاني والتبريكات.