ريهام عبد الغفور: الحب الأول ليس وهمًا.. وأنا مقاتلة ولا أعرف اليأس
ريهام عبد الغفور: الحب الأول ليس وهمًا.. وأنا مقاتلة ولا أعرف اليأسريهام عبد الغفور: الحب الأول ليس وهمًا.. وأنا مقاتلة ولا أعرف اليأس

ريهام عبد الغفور: الحب الأول ليس وهمًا.. وأنا مقاتلة ولا أعرف اليأس

أكدت الفنانة المصرية ريهام عبد الغفور تعوّدها على العيش لحظة بلحظة، وعدم التفكير بالمستقبل، معتقدة بأن الدنيا يمكن أن تتغير في ثانية، لذلك لا تضع خططا مستقبلية لحياتها.

وأضافت عبد الغفور في حوار إذاعي محلي أن سنة 2020 وجائحة كورونا أكدتا لها هذا الشعور، معلقة: "بعد العامين الماضيين اتعودت أعيش اللحظة بكل حاجة فيها لأن الدنيا بتتشقلب في ثانية ولا أضع خططاً للأيام المقبلة، و2020 صدمتنا شوية لكن الجاي أحلى، وأول كل حاجة دائما بيبقى ليها طعم تاني".

وأوضحت بشأن مدى ديمومة الانطباعات الأولى: " أنا لا استعجل في الحكم على الناس، وبديلهم فرصة ولا أحب تكوين فكرة عن الأشخاص من أول مرة، ولو حد واخد انطباع عني غلط كنت ممكن أصححه له، وببقى مقهورة لغاية ما أصحح له الفكرة لكن دلوقتي لا مش ببذل المجهود قوي".

ولفتت ريهام: "الحب الأول مش وهم ومش هييجي زيه لكن لما بنكبر شوية بيكون الحب حقيقي أكتر، وبعد كورونا بقيت ممتنة لكل الحاجات اللي كانت عادية زي إني قادرة أزور أهلي وأسافر".

وبخصوص شخصيتها ذكرت عبد الغفور: "شخصيتي لا تعرف اليأس، وأنا مقاتلة وبكمل لو عملت حاجة منجحتش بتعلم منها، وكل عمل بدخله بشتغل كأني أول مرة أشتغل، وأمثل بنفس الحماس والتوتر وكل حاجة ولو عملت حاجة ومنجحتش التجربة اللي بعدها بيبقى عندي حماس أكبر عشان مش عاوزة اتهزم أو أتكسر".

وبينت: "أول حاجة أحب أبدأ بيها يومي إني أشوف ابني الصغير وأبوسه وأحضنه، وأول حد بتصل بيه هي أمي وأول مشروب ليا الشاي بلبن".

وأشارت: "اول لعبة في الجيم بمشي شوية على المشاية لكن أنا مش غاوية رياضة، ومؤخرا اتجهت لليوجا".

وفيما يتعلق ببدايتها الفنية قالت: "أول لوكيشن صورت فيه كان ستوديو النحاس وأول مشهد تمثيل مع أستاذ يوسف شعبان ونهال عنبر في العائلة والناس.. أول عمل حسيت إنه بدايتي الحقيقية هو فارس بلا جواد والناس التفتت لي فيه، وأول حاجة عملت جمهور كبير أكثر كان مسلسل الريان.. أول مرة بعمل دور واحدة قاسية القلب بزيادة؛ شخصية عايدة في قصر النيل".

واختتمت ريهام حديثها بالقول: "أنا مبحبش الناس المتملقين والبخلاء والناس اللي مبيطمرش فيها بس دي بتحتاج وقت عشان تعرفيهم.. أنا بحب البيتزا وهي اختياري الأول في أي مكان بروحه".

Related Stories

No stories found.
logo
فوشيا
www.foochia.com