أخبار النجوم

فنانة مصرية تكشف تعرضها للابتزاز والتحرش الجنسي

استشاطت المغنية المصرية الشابة دينا حسين غضبًا عقب كشفها عن تعرضها للمضايقة والتحرش الجنسي من قبل بعض شركات الإنتاج التي ساومتها من أجل دخول عالم الفن. ونشرت المغنية المصرية مقطع فيديو عبر صفحتها الخاصة في "فيسبوك" قالت فيه: " يعني أنا مش عارفة هل أنا صوتي وحش، شكلي وحش، فيا عيب، فيا حاجة؟ معتقدش، كل ما أروح شركة إنتاج يقولي الله يا فنانة صوتك جميل، خلاص هنبتدي شغل يبص في حتة تانية خالص، يبص لشكلي أو لجسمي، أو يتجوزني عرفي، هو أنا لازم أعمل حاجة غلط، ولازم أقدم تنازلات، أنا طلع عيني لحد ما وصلت للي أنا فيه". وأضافت دينا

استشاطت المغنية المصرية الشابة دينا حسين غضبًا عقب كشفها عن تعرضها للمضايقة والتحرش الجنسي من قبل بعض شركات الإنتاج التي ساومتها من أجل دخول عالم الفن.

ونشرت المغنية المصرية مقطع فيديو عبر صفحتها الخاصة في "فيسبوك" قالت فيه: " يعني أنا مش عارفة هل أنا صوتي وحش، شكلي وحش، فيا عيب، فيا حاجة؟ معتقدش، كل ما أروح شركة إنتاج يقولي الله يا فنانة صوتك جميل، خلاص هنبتدي شغل يبص في حتة تانية خالص، يبص لشكلي أو لجسمي، أو يتجوزني عرفي، هو أنا لازم أعمل حاجة غلط، ولازم أقدم تنازلات، أنا طلع عيني لحد ما وصلت للي أنا فيه".

وأضافت دينا حسين:" أنا مقولتش إني مش بقوم من على السجادة، أنا بسهر وليا صحابي أولاد أكتر من البنات، بلبس قصير ومفتوح وكل حاجة، بس أنا مش عايزة أعمل حاجة غلط، شغل في الشارع واشتغلت، دراسة ودرست، في الأوبرا واشتغلت، عملت كل حاجة تأهل الفنان للنجاح، تعبت على نفسي، خدتها من تحت، ما عنديش مشكلة أتعب، بس عايزة أوصل وانجح، أوصل باحترامي وكياني وبصوتي ومش لازم أعمل حاجة غلط".

وأكملت حديثها: "هو احنا سمعتنا وحشة من فراغ، مش شرط الغنا بس، أي نوع من أنواع الفن عليه سبوت، لو الفن دا يا جماعة بالمنظر ده، إني لازم أصاحب المنتج، أحسن لي إني أقعد بكرامتي، لو صوتي وحش قولولي اقعدي في بيتك وما تشتغليش، أنا تعبت ومش عارفة أعمل ايه".

وأثار الفيديو حالة من الجدل بين متابعي الفنانة المصرية، وانهالت التعليقات على حديثها والتي كان منها: "على فكرة فيه شركات انتاج محترمة وأعرف ناس كتير منتجين عايزين ينتجوا بس لحد موهوب بجد وملهمش علاقه باي حاجه شخصية".

وأضافت إحدى المتابعات: " يا روحي طول منتي محافظه علي نفسك وبتراعي ربنا ملكيش دعوه بالاوساخ دول وهفكرك الثبات على المبدأ هيوصلك لحلمك وإحنا كلنا معاكي ووراكي وحسبي الله ونعم الوكيل".

وعلق متابع: "للأسف يا دينا الفن فى بلدنا كده كله أطماع فى جسد الموهبه والله كنت بتعامل مع اكبر ملحن فى مصر حب وقالى كله لازم علشان يوصل يقدم تنازلات للاسف للاسف ربنا يسترها عليكي وخلي بالك من نفسك كويس".


 

قد يعجبك ايضاً

قد يعجبك ايضاً