رحاب الجمل: أشرف زكي تورط بأزمة باسم سمرة.. وسأقول الحقيقة لو كان "مكسوفا"
رحاب الجمل: أشرف زكي تورط بأزمة باسم سمرة.. وسأقول الحقيقة لو كان "مكسوفا"رحاب الجمل: أشرف زكي تورط بأزمة باسم سمرة.. وسأقول الحقيقة لو كان "مكسوفا"

رحاب الجمل: أشرف زكي تورط بأزمة باسم سمرة.. وسأقول الحقيقة لو كان "مكسوفا"


انفرد موقع "فوشيا" بأول تعليق من الفنانة المصرية رحاب الجمل، بعد وقفها عن التمثيل ومزاولة المهنة داخل وخارج مصر، بسبب أزمتها التي وقعت مع الفنان باسم سمرة، على خلفية اتهامها له بحضوره إلى بروفة تصوير فيلم يتم التحضير له وهو في حالة "سُكر"، وطلبه خلال الجلسة الفنية تدخين "الحشيش".

وقالت رحاب الجمل، في لقاء مع "فوشيا": "نفسي أسمع رأيكم.. هل شايفين الموضوع إزاي، إيه اللي يخلي فنانة تكتب إلا إذا كان حفاظ على ناس معينة.. قيادات هي بتعزها ومش عاوزة أورط نا معينة في حاجات.. كنت بستنجد بالسوشال ميديا وبشكل قانوني عشان مش عاوزة أورط النقابة".

وأضافت: "مش عاوزة أورط دكتور أشرف في حاجات ولكنه للأسف اتورط وأنا هتكلم لو دكتور أشرف مكسوف أو مينفعش يقول تهديدات والشتايم والبلطجية اللي بيكلموه ويكلمونا.. أنا هقول".

وبيّنت الفنانة المصرية: "مش هبالغ وأقول انتوا صوت الحق.. من 2011 والكل بيقول على الصحافة إنها بتمشي وراء التريند.. بس النهاردة اللي عاوز يصلح صورته يقول كلمة حق.. متشهدوش معايا بس حطوا الحقايق وحطوا الحاجات وراء بعضها المتناقضة".

وتابعت رحاب الجمل: "حطوا الفنان الي بيبلطج علينا اللي قالك معرفهاش وفي نفس الوقت قال انا جبتها من القسم طبعًا أنا مش هبرر ده انتوا أدرى مين يجيب مين من القسم لو رحاب الجمل أو أي فنانة في القسم مش أشرف زكي اللي هيجيبها من القسم ولا أستاذ هشام سليم ولا أستاذ حسي فهمي أوي أي نجم على الساحة هو اللي هيجي يجيبني باسم سمرة".

وأردفت رحاب الجمل: "طيب قال أنا مكنتش موجود.. أكيد حد تاني أنا معنديش فيلم أنا معنديش أفلام وقاعد في البيت وفي نفس الوقت المخرج كان مخطوف عنده امبارح والمخرج بيقول كلام خزعبلي مش مهم ولكن خليه كلام منطقي".

وكان أشرف زكي قد أعلن عن وقف الفنانين باسم سمرة ورحاب الجمل، عن مزاولة مهنة التمثيل داخل مصر وخارجها، مؤكدًا أنه سيتم استدعاء الثنائي للتحقيق في مقر النقابة خلال 48 ساعة.

وأكد أشرف زكي في تصريحاته، أن قرار وقفه لباسم ورحاب جاء على خلفية مطالبته للفنانين بالتوقف عن التراشق بينهما سواء الإعلامي أو على السوشيال ميديا واللجوء إلى النقابة، لحل أزمتهما، وهو ما لم يتم الاستجابة له من كليهما.

وأوضح أشرف زكي، أنه سيتم إبلاغ النقابات بالخارج بقرار وقف الفنانين في حال كان كلاهما مرتبطًا بتصوير مشاهد بالخارج أو مسلسلات عربية.


ونوّه "زكي"، بأن ما حدث من باسم ورحاب يُعد عبثًا غير مقبول، بل مرفوضًا شكلًا وموضوعًا كونهما لم يلتزما، معقبًا: "إحنا هنجيب كل الكاميرات ونشوف كل حاجة من كاميرات الفندق اللي حصلت فيه الواقعة".

وأردف أشرف زكي قائلًا: "أنا وقفت الاتنين عن العمل هذا أمر يعيب الوسط الفني والأسرة الفنية بالكامل، إحنا مش هنلجأ للنيابة العامة، النيابة هتقول ما عندكم نقابة".

Related Stories

No stories found.
logo
فوشيا
www.foochia.com