مي حلمي باكية: أنا وزوجي محمد رشاد مهددان بالطرد والسجن
مي حلمي باكية: أنا وزوجي محمد رشاد مهددان بالطرد والسجن مي حلمي باكية: أنا وزوجي محمد رشاد مهددان بالطرد والسجن

مي حلمي باكية: أنا وزوجي محمد رشاد مهددان بالطرد والسجن

انهارت الإعلامية المصرية مي حلمي من البكاء بسبب تعرضها هي وزوجها الفنان المصري محمد رشدي للتهديد بالسجن، بعد حدوث خلاف مع منتج أعمال الأخير، نتج عنه ضرورة تسديد مبلغ 5 ملايين جنيه كشرط جزائي.

وقالت مي حلمي خلال مقطع فيديو بثته عبر حسابها في إنستغرام: "الفيديو ده عاملاه عشان اعرف الناس... إن فيه ناس مؤذية جداَ ومن غير أي سابق إنذار.. أنا صحيت علي مكالمة تليفون بالتهديد بالطرد والحجز على جميع ممتلكاتي.. كل ده عشان فيه قضية تبع رشاد".

وأضافت: "حاجة تبع رشاد في الغناء.. تقريباً في مشكلة في العقد.. والمفروض كان المبلغ 5مليون والمبلغ قعد يطلع وينزل لحد برضه أما مش هيقدر يدفعه... واحد لسه بيبدي حياته في الغناء.. عمره 30 سنة هيجيب منين مبلغ زي ده؟.. هو حاول أن يوسط ناس كتير ويقسط المبلغ.. لكن الشخص التاني كل همه إن الشخص الطيب المحترم يتحبس".

وأشارت: "أنا مش هخبي.. ليه هخبي كل ده.. وانتوا حضرتوا حبنا ونجاحنا وصعودنا.. تخيلي كده البيت اللي انتي تعبتي عشان تبنبه.. تخيلي يجيلك شخص.. يقولك هكسر باب بيتك اللي انتي بنتيه حتة حتة عشان جوزك عليه 5 مليون أو أقل وهو مرفضش يدفع".

وأوضحت: "وتاني حاجة رشاد بيته في طنطا روح هناك.. لكن عشان هو ميقدرش جاي لبيتي أنا للفيلا دي حرام عليك .. الموضوع ده بقاله 4 سنين.. كفاية بقي وقف حال فيه.. وسنتين فيا.. وأنا مكنتش أعرف.. كل ده بسبب علاقاتك.. بسبب اصحابك بتكلم ده وتصاحب ده وتقوله متشغلش مي حلمي .. عاوز البيت ادخل تعالي خد اللي إنت عاوزة بس سيبنا في حالنا هو مقالكش مش هدفع".

واختتمت كلامها: "كون رحيم.. بالعكس ده هو كان بووم إنت خسرتوا كان ناجح إنت دمرته.. لما هو فاشل في نظرك مضيت معاه ليه؟.. حرام عليك سيبنا في حالنا.. للأسف رشاد رافض أي مساعدة مني أو من غيري.. عارفين الشخص ده نفسه يشوف رشاد مكسور بأي طريق.. حسبي الله ونعم الوكيل".

 


وتزوجت مي حلمي من محمد رشاد في مارس العام الماضي، بعد حالة جدل كبيرة سيطرت على رواد التواصل الاجتماعي عقب إلغاء حفل زفافهما في اللحظات الأخيرة، والتصريحات الجارحة التي خرجت من الطرفين عقب الانفصال، حتى فاجآ الجميع بعودتهما مرة أخرى.

وطوال فترة الزواج وحتى أيام قريبة لا يزال رشاد وحلمي ينشران صور شهر العسل، حتى أصيبت "مي" بوعكة صحية دخلت على إثرها المستشفى، وعرف الأمر بنشر زوجها محمد رشاد صورتها وهي ترقد على فراش المرض، دون إبداء أي تفاصيل.

يذكر أن حفل زفاف محمد رشاد ومي حلمي، تم إلغاؤه في شهر أكتوبر/تشرين الأول الماضي، قبل انطلاقه بساعات قليلة بسبب سوء فهم وقع بين أهل العروسين، نتيجة خطأ وقع من إدارة الفندق المستضيف للحفل وتم عقد حفل آخر وسط تكتم شديد من العروسين وبحضور عدد قليل من الأصدقاء المشتركين ونجوم الفن.

واستحوذت واقعة انفصال محمد رشاد ومي حلمي، على اهتمام نشطاء مواقع التواصل وتعددت الأقاويل حول الأسباب التي دفعتهما لإلغاء الحفل، ففريق روج لحديث العروس بشكل غير لائق مع عريسها، بينما أكد آخرون أن الإعلامية الشابة سخرت من إحدى قريبات رشاد، بالإضافة إلى شائعات عن رفض أسرة العريس التوقيع على قائمة المنقولات الزوجية وغيرها.

Related Stories

No stories found.
logo
فوشيا
www.foochia.com