ريهام سعيد تعتذر لسمية الخشاب وتهدد.. ما علاقة ريم البارودي؟
مشاهير أخبار
19 أبريل 2020 18:51

ريهام سعيد تعتذر لسمية الخشاب وتهدد.. ما علاقة ريم البارودي؟

avatar مريم مصطفى

وجهت الإعلامية المصرية ريهام سعيد، اعتذارا مباشرا لمواطنتها النجمة سمية الخشاب، بعد الخلافات التي نشبت بينهما في وقت سابق، على إثر وقوفها بجانب ريم البارودي إبان أزمتها مع الخشاب، عقب ظهورها ببرنامج ”شيخ الحارة“ مع الإعلامية بسمة وهبة.

وخلال فيديو طويل، بثته ريهام سعيد على ”إنستغرام“، ألمحت خلاله إلى مشكلتها الأخيرة مع ريم البارودي، وتطرقت إلى مدة جلوسها في المنزل التي بلغت ثمانية أشهر، ووصفت تلك المدة بأنها لم تُذكر طوالها بسوء.

وقالت سعيد: ”أنا ست قوية جدا جدا فوق ما أي حد يتخيل.. ومؤدبة جدا جدا فوق ما أي حد يتخيل وبحب ربنا جدا جدا وإن شاء الله أكون عند حسن ظن الناس اللي بيحبوني“.

وتابعت: ”أنا مصدومة أوي إن في حرب دلوقتي ضدي.. يعنى أنا قاعدة في البيت من شهر 8.. 8 شهور ما اتكتبش خبر عنى سلبي خالص.. من ساعة ما حصلت المشكلة الأخيرة دي كل يوم الصبح بلاقي حاجة ودي طريقة أنا عارفاها عنك كويس أوي“.

وأضافت: ”أنا كنت وعدت ناس محترمة كتير إن أنا مش هتكلم في الموضوع وانتي بتجريني إني أتكلم لأن أنا عارفة طبعا إنه أكل عيشك وعارفة إن رمضان جاي والبرامج جاية وكدا وعايزة تطلعي ويبقى فى قصة وكدا بس أنا مش هبقي كدا أنا أكبر من كدا بكتير أوي وقيمتي أكبر من كدا بكتير أوي“.

وتابعت: ”أنا فعلا حاسة بالافتراء اللى افترتيه عليا وبعد الكلام اللي بتقوليه عليا اللى مش حقيقي.. فعلا من قلبي لأن أنا واضح جدا إن أنا انضحك عليا.. أنا بعتذر جدا للفنانة سمية الخشاب.. أنا عندي الجرآءة الكافية إني أعتذرلك.. ودا ولا كيد ولا غيظ وحياة ولادي“.

وكررت: ”أنا فعلا بعتذر لسمية الخشاب لأن أنا واضح إن وصلي قصة بشكل مختلف.. مش ممكن اللي انتي بتعمليه دا .. مش ممكن يكون دا طبيعي.. مش ممكن تعملي فيا أنا كدا.. أكيد أنا اتخميت جامد أوي.. كفاية إهانة وكفاية غلط وكفاية تشويه وكفاية غل“.

وقيّدت ريهام سعيد التعليقات على الفيديو الذي بثته، ووجهت في نهايته تهديدا بأنها ستضطر للجوء للقانون قائلة: ”لكل الصحفيين اللى بيكتبوا أخبار مش صح.. هبتدي أتصرف معاكم لأن مافيش حد فوق القانون.. وإمبارح أنا وكلت محامي قالى أنا ما عنديش غيرك خلاص فأنا هاخد حقي“.

وكانت الإعلامية ريهام سعيد، هاجمت سمية الخشاب عدة مرات بسبب زواجها من الفنان المصري أحمد سعد، حيث وجّهت ريهام لها رسالة من خلال برنامجها ”صبايا الخير“، وقالت: ”ريم البارودي اتجرحت من زيجة أحمد سعد الأخيرة، لو في حب بيتبني على الأذية هتبقى آخرته أذية“، موجهةً حديثها للفنانة سمية الخشاب: ”كما تدين تدان“.

وفي حوار صحفي سابق، نفت الخشاب وجود خلاف بينها وبين الإعلامية المصرية، وقالت: ”هاجمتني وهي حرة في رأيها، ولكني أفصل تمامًا بين المرض وهجومها“.