آيتن عامر ترُد على مُنتقدي طريقة اس...

أخبار النجوم

آيتن عامر ترُد على مُنتقدي طريقة استعادة رشاقتها بعد الولادة.. فماذا قالت؟!

ردت الفنانة المصرية آيتن عامر على منتقديها بعد حلقتها الأخيرة في أحد البرامج التلفزيونية، والتي تركزت على حملتها لاستعادة الرشاقة وتخفيض الوزن، وتفاصيل تحدي "التخسيس" الذي أعلنت عنه عقب ولادة طفلها الثاني. وشاركت عامر البالغة من العمر 31 عامًا متابعيها على "إنستغرام" بمنشور طويل ترد من خلاله على الاستخفاف من معاناتها مع السمنة، وتحدثت عن مشاركة متابعيها بالجدول الأسبوعي للتغذية، إذ قالت: "أيوه في مشاكل أهم وأعمق من المشكلة بتاعتي اللى تناولتها النهاردة الأستاذة منى الشاذلي، ولكن خلينا نشوفها بشكل تاني، ليه منقولش إن تجربتي دى ممكن تبقى حافز لناس كتير نفسها تخس وظروفها المعنوية أو المادية مش مساعداها خصوصًا

ردت الفنانة المصرية آيتن عامر على منتقديها بعد حلقتها الأخيرة في أحد البرامج التلفزيونية، والتي تركزت على حملتها لاستعادة الرشاقة وتخفيض الوزن، وتفاصيل تحدي "التخسيس" الذي أعلنت عنه عقب ولادة طفلها الثاني.

وشاركت عامر البالغة من العمر 31 عامًا متابعيها على "إنستغرام" بمنشور طويل ترد من خلاله على الاستخفاف من معاناتها مع السمنة، وتحدثت عن مشاركة متابعيها بالجدول الأسبوعي للتغذية، إذ قالت: "أيوه في مشاكل أهم وأعمق من المشكلة بتاعتي اللى تناولتها النهاردة الأستاذة منى الشاذلي، ولكن خلينا نشوفها بشكل تاني، ليه منقولش إن تجربتي دى ممكن تبقى حافز لناس كتير نفسها تخس وظروفها المعنوية أو المادية مش مساعداها خصوصًا إن الدكتور وافق إنه ينزل الأنظمة الغذائية كاملة دون أي مقابل".

وأضافت آيتن: "ليه منقولش إن دي تجربة فعلية تخلي الناس اللى بيتضحك عليها باسم عمليات التكميم وتحويل المسار وبيبقى عندهم استعداد يبيعوا دهبهم ويعملوا جمعيات عشان يعملوا العملية مع إن من الممكن منضرش صحتنا ونخش أوض عمليات ونعمل دايت وتخس ومنتكلفش كل الفلوس دي".

وقالت: "ليه الحلقة دي متكونش بتهون على كل واحدة لسه مخلفة ووزنها زايد وعندها اكتئاب وبتوريها إنها مش لوحدها اللى بيحصلها كده وإني كممثلة لا أتميز عنها بشيء سوى الإرادة وأشجعها تبدأ معايا".

واختتمت الفنانة المصرية حديثها: "بلاش هجوم بلا داعي، أنا مش هقدر أحل مشاكل الكون ولا مشكلة الغلاء، ‏لكن ممكن أكون مصدر إلهام لبنات كتير وأساعدهم على الوصول لحلم صغير، لأن هو ده اللي هقدر عليه".

وكانت آيتن عامر كشفت في البرنامج عن صدمتها عندما بلغ وزنها 80 كيلوغراماً عقب ولادتها، وكيف اتفقت مع زوجها مدير التصوير محمد عز العرب، على اللجوء لبرنامج غذائي صارم يستمر 3 شهور حتى تعود إلى وزنها الطبيعي 60 كيلوغراما.