ردّت الإعلامية المصرية ريهام سعيد على اتهام مواطنها الفنان محمد رشاد لها بالكذب بعد تناولها حياته الخاصة، وواقعة إلغاء حفل زفافه هو والإعلامية مي حلمي، في برنامجها "صبايا الخير".
وقالت ريهام في بيان رسمي نشرته على "فيسبوك" "أنا في حالة صدمة من تصريحاتك.. الصحافة بتتكلم من مدة 3 أيام وأنت مقررتش ترد غير عليا أنا مع إني الوحيدة اللي متكلمتش عن سبب الانفصال عشان هو خاص بيك".
وتابعت: "مفيش حاجة اسمها حياة شخصية لشخصية عامة وهي دي الضريبة، ورغم علمنا بالموضوع يوم الأحد لم نذيع حرفاً واحداً لحد ما الصحافة كلها ما اتكلمت ومي دخلت المستشفى ولحد ما كلمتها مكالمة وقالت هتتكلم عن الموضوع في برنامجي".
وأضافت: "حضرتك قمت بتأليف سيناريو إن أنا قلت إنك اتخليت عنها ممكن يكون إحساسك لكن أنا ماقولتش حاجة شبه كده حتى.. أنا قلت إني نفسي إنكم تتصالحوا.. ولو محصلش يبقى خير".
وأوضحت: "أنا قلت إني بتكلم عنها مش عنك لأن البنت هي الي بتتأثر بإلغاء الفرح أكثر من الراجل.. أستاذ محمد رشاد الـ 5 دقائق اللي اتكلمت فيهم في صبايا اللي بتمنى فيهم الشفا لزميلة وبواسيها، ميجوش حاجة جنب الأخبار اللي على المواقع".
واختتمت ريهام سعيد: "ركز في مرض خطيبتك وإلغاء زواجك اللي هما أهم بكتير ومتاخدش ريهام سعيد كبش فدا.. وللعلم مصادري من أقرب الأقربين لمي وموثقة بصور المحادثات".
وكان الفنان المصري محمد رشاد قد نشر عبر حسابه الخاص على "إنستغرام" رسالة قصد بها الإعلامية ريهام سعيد، وجّه من خلالها نداءً شديد اللهجة للإعلامية المصرية، موضحًا أن حياته الخاصة لا تعنيها، وأنه لا يسمح لها تصويره كإنسان مستهتر بمشاعر الآخرين.
يُذكر أن حفل زفاف الفنان محمد رشاد على الإعلامية مي حلمي تم إلغاؤه قبل ساعات من موعده، وكانت بعض المصادر كشفت أن خلافًا بين عائلة العروسين تسبب في حدوث مشكلة وإلغاء الزفاف.