رضوى الشربيني ضيفة منى الشاذلي بالأمس وضرتها اليوم
رضوى الشربيني ضيفة منى الشاذلي بالأمس وضرتها اليوم رضوى الشربيني ضيفة منى الشاذلي بالأمس وضرتها اليوم

رضوى الشربيني ضيفة منى الشاذلي بالأمس وضرتها اليوم

ضجت مواقع التواصل الاجتماعي في الساعات الماضية، بخبر ارتباط الإعلامية المصرية رضوى الشربيني بزوج مواطنتها منى الشاذلي، وهو سمير يوسف الرئيس التنفيذي لمجموعة قنوات cbc، علما أن الأولى كانت حلت في أحد الأيام ضيفة على منى في برنامجها التلفزيوني الشهير.

وما زاد الخبر تصديقا لدى المتابعين نشره من قبل عدد من الصحفيين في مصر، فقد كتب الصحفي معتر الشافعي عبر صفحته على الفيس بوك: "أنا سعيد جدا والله بالأخت المذيعة اللي كانت بتطلع عالهوا تنصح البنات انها تخرب بيوتها بإيدها وإنها ماتقبلش تبقى زوجة تانية وما تقبلش بمش عارف إيه وكان كتير من الستات والبنات اللي لا ليهم هوية ولا شخصية ماشيين وراها وبيشيروا كلامها سعيد باللي هيحصل لها لما الناس تعرف إنها هتبقى زوجة تانية قريب وإنها خربت بيت زميلتها الإعلامية الشهيرة وخدت جوزها اللي بقالها ٢٠ سنة متجوزاه ومخلفة منه ٣ عيال".

وقالت رضوى الشربيني، في مقطع فيديو بثّته عبر صفحتها الرسمية في موقع فيسبوك: "الحقيقة إن أنا داخلة في السنة الخامسة من برنامج (هي وبس) وبيطلع عليا إشاعات كتير مرة اتجوزت 13 و14 مرة، ومرة من فلان وعلان، وبقالي 5 سنين بسمع كلام مش محترم ومش مظبوط وكل أسبوع أو كل شهر بيطلع عليّا إشاعات".

وأضافت الإعلامية المصرية: "وكل الحاجات اللي مريت بيها ساكتة خالص مهما حصل، ومكنتش بتكلم لأن ربنا موجود وهيبين الحقائق، واللي عايز يحبني أو يعرف عني حاجة كويسة هو حُر، لكن النهارده طلعت من حلقة يوم السبت لقيت إشاعة غريبة".

وعقبّت رضوى الشربيني: "لقيت إشاعة غريبة جدًا ولإنها ما تخصنيش أنا لوحدي طالعة أتكلم، وده للمرة الثانية، وفي المرة الأولي طلع عليا إني مرتبطة بمواطن مغربي اسمًا وقولًا، واتقال إني هتجوزه ودلوقتي لسه طالعة من الاستوديو بنفس المكياج طلعت إشاعة غريبة، مش عارفة اتقال ليه، أو يمكن عارفة اتقال ليه في التوقيت ده بالذات".

وشددّت الشربيني: "بقول للناس اللي بتحبني وما بتحبنيش أنا شخص مش مرتبط، ولما هرتبط كل الناس هتعرف، علشان أنا مش الست اللي بتعمل حاجة في الدرا ومش الست اللي بتعمل حاجة في الخفا، أنا بجحة كفاية أوي إن أي حاجة اعملها أطلع أقول إني بعملها، لأن الجواز مش عيب وبقول كده في برنامجي على طول اتجوزوا بس اختاروا صح".

واستطردت رضوى: "أنا واحدة مش مرتبطة يا جماعة، اتنين لما يبقى في شخص أو مواطن مش محترم يطلع عليا إشاعة مش محترمة، لو إنت ما بتحبنيش طلع إشاعة بس ما تضرش عيلة ملهاش أي ذنب، ما تضرش راجل محترم أو ست محترمة ملهمش أي ذنب غير إن الناس دي إخواتي فعلًا".

وتابعت رضوى الشربيني: "في ست تقبل إنها تتجوز راجل متجوز هي حرة، لكن أنا ما أقبلش ومش عايزة، فبقول للأستاذ فلان الفلاني دي جات فاول منك OUT لأن كل الناس تعرف مين هي رضوى الشربيني اللي بتقول لكل واحدة ست حرام عليكي تكسري قلب ست متجوزة".

واستأنفت قائلة: "أنا رديت النهارده علشان الإشاعة المرة دي ما تخصنيش لوحدي، لكن تخص عيلتي التانية، وناس ليها أفضال عليا من ساسي لراسي، وطلعت أديلهم حقهم، وأقولهم حقكوا عليا أنا، وأنا بعتذر لهم حقيقي بالنيابة عن هذا الشخص الغير محترم وحقكوا على راسي".

وأكدت رضوى: "أنا ست مش مرتبطة، بربي بناتي وبشوف شغلي وبشوف مشاكل الستات، واللي بنقدر نحله بنحله، واللي مش بنقدر عليه بندعي ربنا إنه يحله، ولما ارتبط مش مصر هتعرف الوطن العربي كله هيعرف، ومش هتكلم تاني أكتر من كده علشان ما اديش الحاجة أكبر من حجمها".

وبشأن ردها على تلك الشائعة قالت رضوى الشربيني: "طلعت رديت لإن رد الحق للناس المحترمة واجب، ولأنى لقيت وأنا جاية في العربية بعض التعليقات اللى زي ما يكون الناس كانت مستنية أو ما بتصدق، أو أنا مش عارفة.. ليه لما يتقال عليها الناس اللي بيطلق عليهم مشاهير حاجة حلوة مش بتتصدق، ولما بيتقال حاجة مش كويسة، بتتصدق وتجري كده".

واختتمت بالقول: "ربنا يهدي الجميع، دول كلمتين طلعت أقولهم في حق ناس جزمتهم على راسى.. لو رضوى الشربيني بتحب هتقول وهاخد رأيكوا زي ما خدتوا رأيي، زي ما بعمل من 4 أو 5 سنين".

 

Related Stories

No stories found.
logo
فوشيا
www.foochia.com