تواصل الممثلة المصرية حورية فرغلي الرد على ادعاءات الإعلامي العراقي نزار الفارس الذي أعلن مساء الإثنين، خطبتهما، قبل أن تنفي ذلك بعد لحظات قليلة.
وقالت فرغلي ردا على الفارس في تصريحات تلفزيونية جديدة: "أنا نفسيًا مش كويسة، وحاسة إني عايشة في كابوس من أول إمبارح مش حاسة إني عايشة في دنيا حاسة إني في غابة".
وأضافت: "المذيع بقاله أسبوعين بيحاول يعمل معايا لقاء وقالي إنه عراقي، أنا كنت شفت لقائه مع رانيا يوسف مرة، قلتله أوك، قلنا نصوّر في البيت وأنا قلت أوك وساكنة قدام نادي الجزيرة والمنظر حلو، وأنا قلت ده كله بيصوروا وضيف عندي في البيت".
وتابعت الممثلة المصرية قائلة: "أولًا الأسئلة اللي جاي يسألهالي أنا مستغربة إنه بيسألها تاني، وهو جاي عنده خطة معينة جاي مرتب لها، وبعد ما خلصنا سألني بتحبي ماجد المهندس وأنا قلتله عادي معرفوش قوي، فقالي هسمعك أغنية وطلب مني أتصور وأرقص معاه، وكل اللي حواليه بيلموا المعدات والكاميرات، ومعرفش مين بيصور، ومرضتش أكسفه ولكن قلتله مش هيبقى حلو أنا طويلة ولابسة كعب وهيبقى منظري مش حلو".
وأعربت حورية عن حزنها الشديد لما تعرضت له: "ليه مكنتش صريح معايا؟ إزاي حد يقابل حد بعد خمس دقايق يقوله عايز تتجوزه؟، هو عشان أنا عندي مشكلة في مناخيري يبقى غلبانة بقى ويحصل فيا كدة؟.. هو سألني وقالي أنتي متجوزة قلتله لأ أنا سنجل بقالي فترة كبيرة، ومش فاكرة الكلام ده كان جوه الحلقة ولا براها؟".
وردت الفنانة حورية فرغلي على اتهامها حول ما تردد باتفاقها مع المذيع العراقي لتصدر الترند على مواقع التواصل الاجتماعي، عن طريق خطبتهما، وقالت: "أكيد مش متفقة معاه على تريند يعني هوأنا اللي رحت له العراق؟ واتفقت على اللقاء وبعدين أنا مش محتاجة، كان مريب وهو من أول ما دخل كان غريب وبيصور كتير، ومعنديش أي مشكلة الحلقة تنزل، عشان الناس هتعرف كدة متفقة معاه واللا لأ".
وكان الفارس، قد أكد أن لديه تسجيلات مصورة تثبت موافقتها على الزواج منه، معللة ذلك بأنها "كبُرت بالعمر وأنه لم يعد أحد يُحبّها".
جاء ذلك في فيديو بثّه المذيع العراقي، للرد على تكذيب الفنانة المصرية لإعلانه خطوبتهما، حيث أوضح أنها اشتكت له من تقدّمها في السن، وخضوعها لعمليات تجميل ومعاناتها النفسية، متسائلة: "من يرضى يحبني؟ وهل أتزوج مرة ثانية؟".