استذكرت الممثلة المصرية، سوسن بدر، بداياتها الفنية، مشيرة إلى أن والدها قاطعها عندما تركت كلية العلوم وتوجهت للدراسة في المعهد العالي للفنون المسرحية.
وأضافت بدر أن مقاطعة والدها لها كانت "تقتلها" بحكم علاقتها المميزة به، لكنه اقتنع في نهاية المطاف عندما علم أنها لن تستطيع القيام بمهمة أخرى غير الفن، معلقة: "لو منعني عنها بسبب خصامنا هيدمرني، وبدأ يستسلم وهو يراقبني لحد ما بقى مبسوط".
وعلقت الممثلة المصرية خلال ندوتها في مهرجان شرم الشيخ الدولي للمسرح الشبابي على التطور الحضاري، واهتمامها بتسليط الضوء على القدماء المصريين، قائلة: "إحنا مش ضد الحضارة ولا ضد أي حاجة حديثة، ولكن ضد أي حاجة تلغي هويتنا".
وأوضحت سوسن: "الفن مش ترفيهي بس، وكمان من ضمن مهام الفن إنه يتطور في المجتمع والإنسان، وربنا أعطانا موهبة هنتسأل عليها".
ولفتت: "النهاردة لما بشوف أن طفلة عندها خمس سنوات، توقفني، وتقولي إنتي إللي بتلبسي طرحه زرقاء، وبتتكلمي عن التماثيل الكبيرة، قولتلها دول اسمهم المصريين القدماء، ده بالنسبالي الهدف إللي أنا عايزاه".
وبشأن تجسيدها لشخصية نفرتيتي، قالت مازحة: "نفرتيتي على المسرح هو معتقدتش دلوقتي بالنيولوك اللي أنا عملاه ده، ممكن أكون عمتها أو خالتها".
وتابعت سوسن بدر: "بكون مهتمة بالأعمال اللي بتناقش أي قضية خاصة بالمرأة مثل التعليم، وأي عمل له علاقة بشخصية نسائية هيبقى مهم جدًا بالنسبالي، وعن مقابلتها بالمخرج شادي عبد السلام قالت: بالصدفة البحتة اكتشفني شادي عبد السلام".