شيرين رضا بشأن تربية الأولاد والبنات: "كلهم نيلة".. وتتحدث عن مشهد والدها

كشفت الفنانة المصرية شيرين رضا، بأن شخصية الأم المسيطرة والحازمة التي تجسدها في مسلسل "وبينا معاد"، لا تشبهها في الحقيقة، مشيرة إلى أن شخصية "نادية" تحمل رسالة مهمة للأمهات المنفصلات، اللواتي يفضلن أزواجهن على بناتهن. 

ووجهت رضا رسالة لتلك الفئة من الأمهات، بعدم السماح لأزواجهن بأن يعنفوا أولادهن، وقالت خلال ندوتها في موقع "القاهرة 24": "في أمهات يسمحوا لأزواجهم يمدوا إيدهم على بناتهم اللي هو مش أبوهم في الأساس.. وده مش مقبول، لما تخلفي وتجيبي طفل الدنيا، مش ذنبه إنك اخترتي تجيبيه، ولازم تحافظي عليه لحد ما يكبر ويعتمد على نفسه، ومينفعش تسيبهم لأي حد يلطش فيهم".

وعن الفرق بين تربية الأولاد والبنات، علقت شيرين رضا، قائلة: "كلهم نيلة.. لأ البنات بسمعوا البنات أكتر، لأن في مجتمعاتنا من المفترض البنات بيسمعوا الكلام أكتر، ومش هقدر أقول تربية البنات ولا الولاد أسهل بالنسبة لي؛ لأني عندي بنت في الحقيقة إنما في التمثيل همة كلمتين بنقولهم قدام الكاميرا، إنما ورا الكاميرا مش أمهم، احنا أصحاب".

وعبرت شيرين رضا، عن عدم رضاها من مشهد ظهور والدها الراحل محمود رضا، ضمن أحداث مسلسل "وبينا معاد"، وقالت: "مكنتش راضية ومعترضة عليه؛ لأن المشاهد بقاله 20 حلقة مثلاً بيتفرج عليا في شخصية نادية.. لما يظهر محمود رضا كدا، هو كسر الشخصية، ورجع لشخصية شيرين رضا، أنا أكيد عايزه أبويا بس عايزه أفضل نادية، ومكنش فيه تلفزيون قدامنا كان كاميرا".

وأعربت رضا، عن سعادتها بالنجاح الذي حققه مسلسل "وبينا ميعاد"، مؤكدة أن أبطال العمل ساهموا في تقديم شخصيات تتشابه مع الواقع والمجتمعات التي نعيشها. 

وأشارت الفنانة المصرية إلى أن الجمهور كان متشوقا لمتابعة أعمال فنية تحمل معنى جميلا، معلقة: "الناس جعانة تشوف حاجة حلوة، وأحنا عارفين إننا بنعمل حاجة عليها القيمة، ومش بنستفز الناس بالشنط والعربيات وبابي ومامي والرموش والجزم، بالعكس قدمنا شخصيات شبهنا في اللبس والمناطق اللي عايشين فيها".

وأكدت أن العمل الدرامي لم يقدم أي مشاهد خادشة للحياء، ولم يتعمد ظهور كلام بذيء خارج عن الخط الدرامي، مضيفة: "الأسرة بتتفرج على وبينا ميعاد، وهما مش مكسوفين ولا عيالهم مكسوفين لأن مفيش كلام خارج، عشان كدا كان باين إننا هننجح من الأول ولكن محدش يعرف أننا هننجح النجاح الكبير ده".