أكدت الفنانة المصرية رانيا يوسف، أنها لم تقابل في حياتها أي رجل يستطيع أن يحب بدافع عواطفه بدلا من غريزته، على عكس النساء اللواتي يقدمن الحب بعاطفة جياشة.
وأضافت: "مفيش راجل بيقع في الحب على فكرة.. كل حاجة في الأول أه بتبقى لطيفة، لكن بعد كده كله بيبقى على حقيقته، أنا عن نفسي مشوفتش راجل بيقع في الحب، الرجالة بيفكروا أكتر بغريزتهم.. إحنا اللي بنفكر بعواطفنا".
وقالت الفنانة المصرية في تصريحات لمنصة "gossips": إنها لا تترك أي فرصة لدخول الرجال في حياتها لا سيما في الوقت الحالي، نظرا لحرصها على الاهتمام بنفسها وجمالها وصحتها ونومها، والابتعاد عن "النكد" الذي تراه منهم، على حد تعبيرها.
الفنانة تؤكد عدم استخدامها "الفوتوشوب"
وحول إجراء تعديلات على صورها، قالت: "مش بعمل فوتشوب، بصور وببعت للمسؤول عن الصفحة وهو بيعملها ايديت مش فوتشوب والصورة بتطلع مفيهاش فرق كبير".
رانيا يوسف ترفض التقاط الصور في العزاء بسبب عدم استخدامها المكياج
وكشفت الفنانة المصرية أنها لا تفضل التقاط الصور في أوقات العزاء والذهاب للمستشفى بغية زيارة مريض، لكونها لا تضع "الميكاب" ولا تزين شعرها حينها، إضافة إلى مزاجها الذي يكون بعيدا عن التسلية والتصوير.
أول غرام في سن 17 عاما
كما تطرقت للحديث عن أول جواب غرام كتبته، موضحة: "وأنا عيلة كنت بكتب جوابات غرامية لفتى أحلامي وقولتله أنا بحبك أوي ومش هقدر أعيش من غيرك وكان عندي 17 سنة وذلني بيه بعد كدة طلع حقير".
وأضافت عن سبب فصلها من المدرسة: "جالي جواب فصل في المدرسة بسبب إننا كنا مدرسة بنات وبنغير من بعض أوي وكان فيه ولاد في مدرسة تانية بتعاكسنا فاتخنقنا وضربنا بعض واتفصلنا 10 أيام".
أقساط الفنانة
وتحدثت يوسف عن سخرية الجمهور من الفنانين بعد اكتشاف الديون التي تقع على عاتقهم، مشيرة إلى أن مصاريف النجوم أكثر من الأشخاص الآخرين، وهي بدورها تحرص على كتابة الأقساط والمصاريف الملزمة بها كل يوم صباحا.
وأضافت: "احنا بني أدمين وبنصرف كتير أوي وعندنا بنود كتير بنصرف فيها زي اللبس والميكاب والشعر والإكسسوارات والفستان اللي بلبسه مش بعرف ألبسه تاني ففي مصاريف كتير علينا مش عند بقيت الناس.. وعليا أقساط كتير جدا وراحتي بتيجي أما بسسدها".
علاقتها بمواقع التواصل الاجتماعي
وعن علاقتها بمواقع التواصل الاجتماعي، علقت: "بكره الموبايل وماليش فيه وعمري ما عملت كلتون للموبايل، اكتشفت حاجة على الموبايل فرزعته في الحيطة".
رانيا يوسف تنصح بمتابعة فيلم كوميدي للحفاظ على الصحة
وكشفت يوسف كيف تحافظ على صحتها، قائلة: "عشان أحافظ على صحتي بشرب مياه كتير وبحط عليها خل التفاح مع الليمون ودي وصفة سحرية للتخسيس والصحة، ورياضة ونوم حلو وفيلم كوميدي لراحة البال".
وعن روتين شعرها، قالت: "بحط معلقة جاز على شوية زيوت وكريمات وعصير بصل، والوصفات اللي بيقولي عليها كلها بجربها".
سر خروجها من أحزانها
وتطرقت رانيا يوسف للحديث عن خروجها من أحزانها بسهولة، معلقة: "باخد فيتامينات كتير وبمشي وبلعب رياضة ومتفائلة دايما بدون سبب، والشخص السلبي بيقفل مودي والشكاي عشان كدة أما بلقيهم ببعد، وأنا شيالة ومبنساش".
سبب انطفائها
أما عن الأشياء التي تتسبب في انطفائها فقالت: "نوري بيطفي أما حد بيخذلني في الحياة لما أكون متوقعة إنه يكون كويس ويطلع هباب، وكلابي دايما بشارك معاهم كل حاجة حلوة وبيفرفشوني".
